Туора күөллэр олохтоох нэһилиэнньэ көҕүлээһинин өйүүр бырагыраамаҕа кыттарга бэлэмнэр

Таатта улууһун Туора Күөл нэһилиэгэр олохтоох нэһилиэнньэ көҕүлээһинин өйүүр бырагыраама чэрчитинэн, үгүс үлэ ыытылынна. Бэлиэтээн суруйдахха, маннык бырагыраама өрөспүүбүлүкэҕэ үлэлиэҕиттэн араас хайысхалаах бырайыактар оҥоһуллан үлэҕэ киирэллэр.

Туора Күөл нэһилиэгин баһылыгын солбуйааччы Любовь Ефимова саҥа бырайыак туһунан маннык кэпсээтэ:

— Билиҥҥи кэмҥэ олохтоох дьаһалталарга үп-ас көрүллүүтэ кыччаан турар.  Онон нэһилиэнньэ уонна дьаһалта субсидия уопсай сууматыттан 5-15  %-ҥа  эрэ диэри субсидия харчытыгар тиксэбит. 500-1000 нэһилиэнньэлээх сирдэргэ субсидия суумата балтараа мөлүйүөҥҥэ тэҥнэһэр. Биһиги нэһилиэкпит олохтоох нэһилиэнньэ көҕүлээһинин өйүүр бырагыраамаҕа 2018 сылтан кыттар. Ол курдук ити сыл биһиги нэһилиэкпит сынньалаҥ зонатын үлэҕэ киллэрбитэ. 2019 сыллаахха  Мэмэн Түөрэ диэн түөлбэҕэ чааһынай ыалларга киин ититэр ситимин киллэриигэ матырыйаал ылыытыгар ылсыбыппыт. 2021  сыллаахха бу бырагыраама көмөтүнэн Кыайыы искибиэрин киин уулуссабытыгар оҥорбуппут. Былырыын кылабыыһаны күрүөлээбиппит. Кэлэр 2024 сылга биһиги «Үтүө дьыала» чэрчитинэн уонна норуот күүһүнэн 2000 сыллаахха тутуллубут  култуура уонна успуорт кииннээхпит. Кыһыҥҥы кэмнэргэ олус тымныытын иһин кииммитигэр өрөмүөн үлэтин ыытаары гынабыт. Ол курдук, аныгы теплоизоляционнай тутуу матырыйаалынан ититэр соруктаах бу олохтоох нэһилиэнньэ көҕүлээһинин өйүүр бырагыраамаҕа кыттарга бэлэммит.