Дьокуускай куорат дьаһалтатын пресс-сулууспатын хаартыската
«СЭТО» дириэктэрэ Дмитрий Семенов иһитиннэрбитинэн, ааспыт сылга Саха сирэ Уһук Илиҥҥи федеральнай уокурукка сөптөөх усулуобуйаны тэрийиигэ бүтүн Арассыыйатааҕы куонкуруска кыттан, уопсайа 900 мөл.суумалаах уон граны ылбыт.
Хас биирдии киһи үчүгэй усулуобуйаҕа олоруон баҕарар. Ол курдук дьиэтиттэн чугас сынньалаҥ сирдэниэн, көнө, ыраас суолунан үлэтигэр барыан, бэлисипиэтинэн хатааһылыырыгар анал ыллыктаныан, успуордунан дьарыктанарыгар сөптөөх усулуобуйаланыан баҕарар.
Маныаха «Куорат эйгэтэ» диэн «Биир ньыгыл Арассыыйа» бырайыага куораттарга, тыа сирдэригэр тиэргэни, уопсастыбаннай эйгэни тупсарыыга туһуламмыт. Бырайыак сүрүн уратыта — олохтоохтор олорор сирдэрин тупсарыыга бэйэлэрэ тупсарар, уларытар кыахтаналлар.
Былырыын Арассыыйа бэрэсидьиэнэ Владимир Путин быһаарыытынан баартыйа норуодунай бырагырааматын чэрчитинэн, Уһук Илиҥҥи Федеральнай уокурукка бүтүн Арассыыйатааҕы бастыҥ бырайыактар куонкурустара ыытыллыбыта. Уһук Илин мээнэҕэ талыллыбатаҕа. Ол иһин былырыын РФ Тутууга министиэристибэтэ судаарыстыба бэрэсидьиэнин дьаһалынан бу куонкуруһу тэрийбит диэн Дмитрий Семенов бэлиэтиир.
— Саха сирэ куонкуруска көхтөөх кыттыыны ылбыта. Өрөспүүбүлүкэ уон оройуона граннарга кыттан 900 мөл.солк. сүүйдүлэр. Ол курдук биэс бырайыак ааспыт сылтан Үөһээ Бүлүүгэ, Бэрдьигэстээххэ, Бороҕоҥҥо, Ленскэй куоратыгар уонна Жатай бөһүөлэгэр үлэлэрин саҕалаабыттара. Атын бырайыактар бу сылга олоххо киириэхтэрэ. Үлэлэр Бүлүү, Мииринэй, Нерюнгри, Орто Халыма уонна Майа сэлиэнньэтигэр былааннаналлар. Манна «LETO» эйгэни тупсарыынан дьарыктанар компетенция киинин, Ил Дархан иһинэн архитектура уонна куораты тутуу управлениетын тэрээһиннээх үлэлэрин бэлиэтиэххэ сөп, — диэтэ кини.
Арассыыйа Бэрэсидьиэнэ Владимир Путин судаарыстыбаннай тыл бэлиитикэтин сүрүннэрин бигэргэтэр туһунан ыйаахха илии баттаата. Бу ыйаах…
"Манчаары оонньууларынан" бүгүн "Дьулуруйар Ньургун Боотур" стадиоҥҥа саха дэгит күрэһигэр: төрүт оҕунан ытыыга, сүүрүүгэ, хапсаҕайга…
Саха сирин 18 куоратыгар уонна улууһугар буруйу оҥоруу үрдээһинэ бэлиэтэннэ. 2025 сыл бастакы аҥаарыгар Саха…
Хороҕор муостааҕы, сыспай сиэллээҕи сайын да, кыһын да суолга түҥнэри көтүү тахса турар. Саха сирин…
Таатта улууһун Боробул сэлиэнньэтин 31 саастаах олохтооҕо икки буруйу оҥорбутунан ааҕыллар. Эр киһи Дьохсоҕон нэһилиэгин…
Үс сыллааҕыта байыаннай дьайыы саҕаламмыта, ол кэннэ тута быстах мобилизация буолбута. Хомуур, бэлэмнэниилэр, уот айаҕар…