Хаартыска: Мария Васильева, СИА.
“Куорат эйгэтэ” баартыйа бырайыагын эрэгийиэннээҕи сүрүннээччитэ, СӨ “СЭТО” тэрилтэ дириэктэрэ Дмитрий Семенов иһитиннэрбитинэн, ааспыт сылга Саха сирэ Уһук Илиҥҥи федеральнай уокурукка табыгастаах эйгэни тэрийиигэ Бүтүн Арассыыйатааҕы куонкуруска кыттан, уопсайа 900 мөл. солк. суумалаах 10 граны кыайбыт.
Хас биирдии киһи табыгастаах усулуобуйаҕа олоруон баҕарар: дьиэтиттэн чугас сынньанар, кэрэ көстүүлээх сиргэ олоруон, үлэтигэр ыраас массыына эбэтэр бэлисипиэт суолунан барыан, аныгы былаһааккаларга успуордунан дьарыктаныан, о.д.а.
Дойду бэрэсидьиэнэ Владимир Путин быһаарыытынан “Олорор сир уонна куорат эйгэтэ” национальнай бырайыак 2030 сылга диэри уһаата. Национальнай бырайыак иитинэн “Биир ньыгыл Арассыыйа” баартыйа “Куорат эйгэтэ” бырайыагар олоҕуран, “Куорат табыгастаах эйгэтин тэрийии” бырагыраама үлэлиир. Бырайыак тыһыынчаттан тахса нэһилиэнньэлээх куораттар уонна сэлиэнньэлэр тэлгэһэлэрин уонна уопсастыбаннай сирдэрин тупсарыыга уопсастыбаннас кыттыытын хааччыйарга туһаайыллар. Саамай сүрүнэ диэн – олохтоохтор уопсастыбаннай, тулалыыр эйгэлэрин бэйэлэрэ уларыталларыгар кыах бэриллэр.
Былырыын Владимир Путин РФ Тутууга министиэристибэтигэр Уһук Илин федеральнай уокурук субъектарын ортолоругар куорат табыгастаах эйгэтин тэрийиигэ бастыҥ бырайыак куонкуруһун олохтуурга сорудах биэрбитэ.
“Уһук Илин ылбычча талыллыбатаҕа. Судаарыстыба бэлиитикэтэ дойду бары эрэгийиэннэрэ тэҥҥэ сайдарыгар, олох хаачыстыбата нэһилиэнньэ ирдэбилигэр сөп түбэһэригэр туруулаһар. Онон дойду баһылыгын сорудаҕынан РФ Тутууга министиэристибэтэ былырыын бу куонкуруһу ыыппыта. Саха сирэ манна көхтөөхтүк кыттыбыта, ол түмүгэр өрөспүүбүлүкэ 10 улууһа уопсайа 900 мөл. солк. суумалаах 10 граны сүүйбүтэ. Биэс бырайыагы былырыын Үөһээ Бүлүү, Бэрдьигэстээх, Бороҕон сэлиэнньэлэригэр, Ленскэй куоракка уонна Жатай бөһүөлэгэр олоххо киллэрэн саҕалаабыттара. Онтон атыттары Бүлүү, Мииринэй, Нерюнгри, Орто Халыма куораттарга уонна Майа сэлиэнньэтигэр быйыл олоххо киллэриэхтэрэ. Манна Ил Дархан Айсен Николаев тус көҕүлээһининэн тэриллибит Ил Дархан архитектураҕа уонна куораты тутууга управлениетын итиэннэ «LETO» куорат эйгэтин боппуруостарын быһаарар киин улахан тэрээһиннээх, сүбэлиир, эспиэртиир үлэлэрин бэлиэтиир оруннаах”, — диэн Дмитрий Семенов кэпсиир.
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…