Күлүүкүбэлээх уонна муохтаах «Арктика» килиэбин ГОСТ-а баар буолла

Килиэп бырамыысыланнаһын научнай-чинчийэр институтун исписэлиистэрэ Арктикаҕа анаан ураты килиэби оҥорон таһаардылар. Килиэп туспа ГОСТ-нна диэн РФ Үөрэҕин уонна билимин министиэристибэтин пресс-сулууспата иһитиннэрэр.

Саҥа килиэпкэ хатарыллыбыт күлүүкүбэ отоно уонна муох туһаныллар. «Килиэп институтугар оҥоһуллубут «Арктика» килиэпкэ ГОСТ бигэргэннэ. Килиэп оҥоһуктарыгар ураты ырысыап компоненнарын быһыытынан арктическай зона эндемик  сырьеларын көрүҥнэрэ, чуолаан, исландскай цетрария  уонна сфагнум муохтар туһанылыннылар. Туһаныллар ингредиеннэр полисахаридтар, камедьтар, органическай кислоталар, макро- уонна микроэлеменнэр курдук туһалаах биологическай активнай эттиктэрдээх, — диэн пресс-сулууспаҕа бэлиэтээтилэр.

«Арктическай» килиэпкэ ГОСТ 2026 сыл ыам ыйыгар күүһүгэр киириэҕэ. Бу ирдэбил килиэп хаачыстыбатын көрдөрүүлэригэр, ырысыаптарыгар уонна оҥорон таһаарар ньымаларыгар булгуччулаах ирдэбиллэри киллэрэр. «Арктика» килиэп хара  уонна сэлиэһинэй бурдук булкаһыдыктарыттан, куурдуллубут күлүүкүбэ отонуттан, исландскай цетрарияттан (муох) оҥоһуллар. Килиэп аһылык сыаннаһынан чинчийиилэрэ көрдөрбүтүнэн, белок, фосфор, магний, железо буолар, ону таһынан аһылык волокноларынан уонна Е битэмиининэн баайынан уратылаах. Буһарар технология эндемик үүнээйи сырьетун туһаныыга олоҕурар. Ол курдук, исландскай муох састаабыгар микробтары утары дьайар хас да кислота баар – лихестериновай, протолихестериновай, умарпротоцентраровай.  Кислоталар ыарыыны көбүтэр микрофлора сайдыытын тохтотоллор уонна күүһү-уоҕу эбэр дьайыылаахтар.