РБК сайтыттан
Бүгүн, ыам ыйын 14 күнүгэр, Турция Өрөспүүбүлүкэтин бэрэсидьиэнин уонна парламенын быыбардара буолар. Быыбар Анкара бириэмэтинэн сарсыарда аҕыс чаастан саҕаланна. Барыллаан түмүк киэһэ алта чаас кэннэ биллиэҕэ.
Бэрэсидьиэн быыбарыгар икки сүрүн кандидат турар. Билигин дойдуну салайа олорор Реджеп Тайип Эрдоган уонна алта сүрүн утарылаһар баартыйаттан кандидат быһыытынан турар Кемаль Кылычдароглу. Быыбарга түөрт кандидат регистрацияламмытыттан бүтэһик биэтэккэ Мухаррем Индже диэн ааспыт бэрэсидьиэн быыбарыгар Эрдоган кэнниттэн иккис миэстэҕэ кэлбит бэлиитик кандидатуратын устуммута. Онон билигин олохтоохтор бэрэсидьиэннэрин үс бэлиитиктэн талыахтара. Эрдоганы уонна Кылычдароглуну кытары парламент урукку дьокутаата Синан Оган киирсиэҕэ.
Быыбар былаан быһыытынан бэс ыйыгар ыытыллыахтаах этэ. Ол эрээри бэрэсидьиэн ыйааҕынан ыам ыйыгар көһөрүллүбүтэ. Өскөтүн бастакы түһүмэххэ кадидаттартан хайалара да 50 бырыһыан куолаһы ылбатаҕына, быыбар иккис төгүлүн 45 хонугунан бэс ыйыгар ыытыллыаҕа. Онно икки кандидат кыттар.
Бу быыбары аан дойду барыта кэтии олорор. Арассыыйаҕа да, Америка Холбоһуктаах Штаттарыгар да Турция бэрэсидьиэнэ салгыы ким буолара биир быһаарар оруолу ылыаҕа.
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…
Бултуулларын сөбүлүүр дьоҥҥо, булчуттарга маннык бэртээхэй сүбэ баар. Бастатан, айылҕатын быһыытынан тыһы ыт ордук…