Ыам ыйын 14 күнүгэр Турция Өрөспүүбүлүкэтигэр бэрэсидьиэн уонна парламент быыбардара ыытыллыбыттара. Бэрэсидьиэн быыбарыгар бастакы түһүмэххэ, барыллаан ааҕыынан, Реджеп Тайип Эрдоган бастаан иһэр.
Бүллүтүөн 96,15 бырыһыан ааҕыллан бүттэ. Барыллаан ааҕыынан, Реджеп Тайип Эрдоган туһатыгар куоластааччылар 49,44 % биэрдилэр, Кемаль Кылычдароглуга – 44,78 %, Синан Огаҥҥа – 05,28 % куоластаатылар. Сокуон быһыытынан, кандидаттартан хайалара да 51 % куолаһы ылбатаҕына, быыбар иккиһин ыытыллыахтаах. Онон быыбар бастакы түһүмэҕин түмүгүнэн ити кэрдииһи ылбатахтарына, Эрдоган уонна Кылычдароглу иккис түһүмэххэ күөн көрсүөхтэрэ.
Дьон-сэргэ быыбарга олус көхтөөхтүк кытыннылар. Өскөтүн 2014 уонна 2018 сыллаахха быыбарга кыттыы 76,78 уонна 86,24 бырыһыан буоллаҕына, быйыл 88,74 бырыһыан кэлэн куоластаатылар. Турция үрдүнэн барыта 64 мөлүйүөнтэн тахса быыбардааччы баар.
Быыбар кэмигэр туох да саахал, мэһэй тахсыбата. Тас дойдуга олорор Турция олохтоохторо муус устар 27 күнүттэн ыам ыйын 9 күнүгэр диэри куоластаабыттара.
Таатта улууһугар Ытык Күөлгэ быйыл аҕам саастаахтар хордарын тэриммиттэрэ 20 сылын туолла. Таатта норуодунай тыйаатырыгар…
Бүгүн, ыам ыйын 19 күнүгэр, суһал иһитиннэриинэн 14:00 ч. Өлүөнэ өрүс мууһа Кэбээйи, Нам уонна…
Иннокентий Пухов төрөөбүтэ 120 сылыгар Биллиилээх фольклорист Иннокентий Васильевич Пухов быйыл кулун тутар 12…
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…