Хаартыска "Анадолу" сайтыттан туһанылынна
Турцияҕа сир хамсааһынын түмүгэр сууллубут дьиэлэр сэмнэхтэриттэн дьону көрдөөһүн билигин да бара турар. Бэҕэһээ Турция вице-бэрэсидьиэнэ Фуат Октай олохтоох телевидениеҕэ иһитиннэрбитинэн, билигин быыһааччылар 200-кэ чугаһыыр дьиэ сэмнэҕин арыйан көрөллөрө хаалбыт.
Турцияҕа уонна Сирияҕа сир хамсааһынын түмүгэр, билиҥҥи туругунан, өлбүт киһи ахсаана 40 тыһыынчаттан таҕыста. Турция уон оройуонугар барыта 39,6 тыһыынчаттан тахса киһи суорума суолламмыта билиннэ. Билигин да көрдүүр-быыһыыр үлэ бара турар. Бэҕэһээ Хатай куораттан 12 суукка ааспытын кэннэ өссө биир киһини быыһаатылар.
Турция вице-бэрэсидьиэнэ Фуат Октай иһитиннэрбитинэн, уон провинцияҕа барытыгар 597 тыһыынчаттан тахса эбийиэги көрбүттэриттэн 75 тыһыынчата сууллубут эбэтэр улаханнык алдьаммыт. Билигин көрдүүр-быыһыыр үлэ 200-чэкэ эбийиэккэ салҕанан бара турар.
Турция бэрэсидьиэнэ Реджеп Тайип Эрдоган эрдэ бэлиэтээн эппитинэн, кулун тутартан саҕалаан эмсэҕэлээбит уон оройуоҥҥа олорор дьиэлэри тутуу барыахтаах. Билигин үгүс киһи гостиницаларынан, аймахтарынан түһэн олорор. Ону таһынан былаас быһаарыытынан, судаарыстыбаннай үрдүк үөрэх кыһаларын уопсай дьиэлэригэр эмсэҕэлээбит дьону олордоллор. Онон олунньу 20 күнүттэн судаарыстыбаннай үөрэх кыһаларын устудьуоннара кэтэхтэн үөрэхтэрин саҕалыахтара. Турция бэрэсидьиэнин этиитинэн судаарыстыба эмсэҕэлээбит дьон биир сылга дьиэ куортамнаһар харчыларын барытын уйунуохтаах. Ону таһынан өлбүттээхтэргэ бастакы көмө диэн сүүстүү тыһыынча лира төлөнүөхтээх.
Санатан эттэххэ, олунньу 6 күнүгэр, Турцияҕа уонна Сирияҕа улахан сир хамсааһына буолбута. Сир хамсааһыныгар Турция уон оройуона, Кахраманмараш, Хатай, Адыйаман, Газиантеп, Малатыйа, Османие, Килис, Адана, Шанлыурфа, Дийарбакыр улаханнык эмсэҕэлээтилэр. Бу оройуоннарга барыта 13,5 мөлүйүөнтэн тахса киһи олорор. Турцияҕа олунньу 6 күнүттэн барыта 100 судаарыстыба анал бөлөҕүн ыытан көмөлөстө. Тас дойдуттан кэлбит анал бөлөхтөр бу нэдиэлэҕэ үлэлэрин түмүктээбиттэрэ.
Хаартыска: «Анадолу» сайтыттан туһанылынна
Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан,…
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…
Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ, олорунан процессуальнай бэрэбиэркэлэр уонна хонтуруоллааһын ыытыллар. Бу…
Ил Дархан Айсен Николаев Арассыыйа Бэрэсидьиэнин көмөлөһөөччүтэ Николай Патрушев салайан ыыппыт (Морской коллегия) мунньаҕар кыттыыны…
Горнай оройуонугар ДПС иниспиэктэрдэрэ кыһыҥҥы тымныыга массыыната алдьаммыт суоппарга көмөлөстүлэр. Бу туһунан ИДьМ пресс-сулууспата иһитиннэрдэ. …
Эдьигээн оройуонугар суол саахалыгар икки киһи эмсэҕэлээтэ. Бу туһунан Госавтоиниспиэксийэ иһитиннэрдэ. Ахсынньы 22 күнүгэр …