Турцияҕа олорор саха көрбүөччүтэ Уу Далайа олохтон туораата

Турцияҕа олорор саха көрбүөччүтэ Уу Далайа олохтон туораата.

Бүгүн, ахсынньы 25 күнүгэр, Саха сирин көрбүөччүтэ Галина – Уу Далайа олохтон соһуччу туораата.

Бэҕэһээҥҥэ диэри эдэр, кырасыабай дьахтар социальнай ситимнэргэ хаартыскаларын таһаартыыра. Галина Турцияҕа уоллаах кыыс оҕотун кытта олорбута. Уу Далайын ийэтэ иһитиннэрбитинэн, олохтон туоруон иннинэ кини оҕолорун кытта Ороһуоспаны бэлиэтээри гостиницаҕа хос куортамнаабыт…
Галина – Уу Далайа кылгас кэмҥэ оҕолорун хаалларбыт. Оҕолор ийэлэрэ өр кэм устата биллибэтэҕин иһин ийэлэригэр эрийэ сатаабыттар. Төлөпүөнүн ылбатын иһин долгуйбуттар, аймаммыттар уонна Саха сиригэр хаалбыт эбээлэригэр эрийбиттэр. Эдэр дьахтар туохтан тыына быстыбыта биллибэт. Оҕолор эбээлэрэ Турцияҕа көтөр буолбут.

Сахадейтэн ылылынна.