Турцияҕа Саха сирин дуобатчыттарын ситиһиилэрэ

Алтынньы  28 күнүттэн сэтинньи 8 күнүгэр диэри Турцияҕа аан дойдутааҕы дуобат федерациятын күрэхтэһиилэрэ ыытылла тураллар.

Саха сирин сүүмэрдэммит хамаандатын  чилиэннэрэ кытта сылдьалларын туһунан Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрдэ. Туһааннаах күрэхтэһиилэргэ 17 дойдуттан 300-тэн тахса спортсмен кыттар.

Аан дойду куубагын дуобакка (64) блиц-бырагырааматыгар Саха сирин дуобатчыттара үрдүк ситиһиилэннилэр.

Ол курдук:

Апросимова Сандаара — кыһыл көмүс  (20-гэр диэри  саастаах кыргыттарга);

Никанорова Юлия — үрүҥ көмүс (дьахталларга);

Егоров Айсен —  үрүҥ көмүс (20-гэр диэри саастаахтарга);

Кондратьева Саяника — үрүҥ көмүс  (20-гэр диэри  саастаах кыргыттарга);

Кондратьева Дайана — боруонса  (дьахталларга);

Рожина Александра — боруонса (20-гэр диэри  саастаах кыргыттарга).

Блицка уопсайа алта мэтээллэннибит диэн  Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрдэ.