Тургутан көрүү кэмигэр үлэһит уурайыан сөп дуо?

Тургутан көрүү кэмигэр үлэһит уурайыан сөп дуо?

07.10.2022, 11:46
Бөлөххө киир:

Ааҕааччылартан кэлиҥҥи кэмҥэ үлэ сыһыаныгар, быстах хомуурга сыһыаннаах үгүс ыйытыы киирэр буолла. Бу тула бүгүн сорох ыйытыыларга хоруйдары бэчээттиибит.

Ыйытыы: Тургутан көрөр болдьоххо (испытательный срок) үлэҕэ ылбыт үлэһиппит баҕа өттүнэн эрдэ уурайарын туһунан сайабылыанньа киллэрдэ. Тургутар болдьох кэмигэр үлэлии сылдьар киһи баҕа өттүнэн эрдэ уурайан барар бырааптаах дуо?

Наталья  Барковская, СӨ Идэлээх сойуустарын федерациятын үлэ быраабын иниспиэксийэтин салайааччыта, СӨ үтүөлээх юриһа:

— Үлэһит баҕа өттүнэн тургутан көрөр болдьох кэмигэр үлэтиттэн уурайар бырааптаах. РФ Үлэ кодексын 71 ыстатыйатын 4 чааһыгар этиллэринэн, өскөтүн үлэһит тургутар болдьох кэмигэр үлэтэ ки­­ниэхэ табыгаһа суоҕун биллэҕинэ, үлэ дуогабарын баҕа өттүнэн көтүрэр бырааптаах. Бу туһунан үлэни биэрээччигэ суругунан үс күн иннигэр биллэриэхтээх.

Эрдэ уоппуска ылар кыахтаахпын дуо?

Ыйытыы: Хат дьахтар дэкириэккэ барыан иннинэ төлөбүрдээх уоппуска ылаары гынар. Дьахтар туһааннаах тэрилтэҕэ алта ый үлэлээбэтэх буоллаҕына, төлөбүрдээх уоппуска ылар бырааптаах дуо? 

Наталья Барковская, СӨ Идэлээх сойуустарын федерациятын үлэ быраабын иниспиэксийэтин салайааччыта, СӨ үтүөлээх юриһа:

– Үлэ кодексын  122 ыстатыйатыгар олоҕуран, төлөбүрдээх уоппус­каны үлэһиккэ  сыл аайы бэриллэр. Тэрилтэҕэ саҥа үлэлии киирбит киһи алта ый кэнниттэн номнуо уоппуска ылар бырааптаах. Ол гынан баран, үлэни биэрээччи уонна үлэһит икки өттүттэн сөбүлэһиилэринэн, уоппуска алта да ый туола да илигинэ бэриллиэн сөп.

Туһааннаах ыстатыйа 3 чааһыгар сурулларынан, хат дьахтарга алта ый иһигэр, дэкириэккэ барыан иннинэ, уоппускаҕа са­­йабылыанньа суруйдаҕына, уоппускаҕа барар бырааптаах. Маны таһынан, Үлэ кодексын 260 ыстатыйатыгар олоҕуран, дьахтар сыллааҕы төлөбүрдээх уоппускатын дэкириэккэ барыар диэри, биитэр оҕолонон баран туһанар кыахтаах.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июля
  • 30°C
  • Ощущается: 29°Влажность: 37% Скорость ветра: 4 м/с

Сообщить об опечатке

Текст, который будет отправлен нашим редакторам: