Кулун тутар 20 күнүгэр Дьокуускайга «Үлэ кыбаартала» креативнай кластерга «Туристический код моего района» куонкурус финала буолар.
Күрэс «Муус устар» ыччат бэстибээлин чэрчитинэн ыытыллар. Финалга Саха сирин туристическай кыаҕын туһунан бастыҥ видеобырайыактары билиһиннэриэхтэрэ, оттон дьүүллүүр сүбэ куонкурус кыайыылаахтарын быһаарыаҕа.
Түмүк түһүмэххэ Өлүөхүмэ, Горнай, Хаҥалас, Мэҥэ Хаҥалас, Ньурба, Чурапчы, Сунтаар, Амма, Бүлүү улуустарын бэрэстэбиитэллэрин 10 хамаандата таҕыстылар.
Куонкурус түмүгүнэн дьүүллүүр сүбэ үс бириистээх миэстэ кыайыылаахтарын быһаарыаҕа. Кыайыылаахтар харчынан наҕараадаланныахтара, оттон сүрүн бириис — 50 000 солк. Эбии онлайн куоластааһыҥҥа кыайыы иһин бириис туттарыллыаҕа.
Финал ыҥырыылаах ыалдьытынан блогер Вячеслав Романов (Панда саха) — «СӨ туризмы уонна ыалдьытымсах буолууну сайыннарыыга кылаатын иһин» түөскэ кэтиллэр бэлиэ хаһаайына буолар. Тэрээһин чэрчитинэн Pandasakha-72°C фирменнэй мерчи оонньотуу ыытыллыаҕа.
Финал сирэй көрсүү ньыманан ыытыллар. Хас биирдии регистрацияламмыт кыттааччы анал нүөмэрдээх корешок ылыаҕа.
Кыттааччылары регистрациялааһын: https://forms.yandex.ru/u/67c13d7c49363920634db95f/
Быйыл «Муус Устар» ыччат бэстибээлэ Саха сиригэр бэһис төгүлүн ыытыллар. Тэрээһин өрөспүүбүлүкэ эдэр талааннарын булууга, өйөөһүҥҥэ уонна өрө таһаарыыга ыытыллар. Фестивалы тэрийээччилэр: Саха сирин Бырабыыталыстыбата, генеральнай спонсор — «Эльга» хампаанньа.
#МУСУСТАР2025
Үөдүгэй нэһилиэгэр түргэнник ситэр салаанан дьарыктанар дьон ахсаана сыллата эбиллэр. Бүгүн өр сылларга дьиэ көтөрүн…
Профилактическай тэрээһиннэр холбоһуктаах дьаһалларын кэмигэр Өлүөхүмэ оройуонугар ИДьМ учаастактааҕы боломуочунайдара уонна ИДьМ подразделениеларын үлэһиттэрэ арыгы…
Бүгүн, кулун тутар 14 күнүгэр, СӨ Тас сибээстэргэ уонна норуоттар дьыалаларыгар министиэристибэтин кэллиэгийэтин Саха сирин…
ИДьМ 2 №-дээх полициятын дьуһуурунай чааһыгар суотабай төлөпүөнү уорбуттарын туһунан эр киһи сайабылыанньа суруйбут. Эр…
Саха сиригэр анал байыаннай дьайыы кыттыылаахтарын дьоруойдуу быһыыларын үйэтитэр сыаллаах мемориальнай комплекс бырайыагын оҥорууга архитектурнай…
2025 сыл саҕаланыаҕыттан Саха сириттэн 50 массыынаны анал байыаннай дьайыыга тиэртилэр. Тиэхиникэни кытта байыастарга чугас…