Туризм бэстибээлэ ыытыллыаҕа

Тохсунньу 31 күнүгэр Дьокуускайга “Арассыыйа – мин устуоруйам” историческай паакаҕа Туризм бэстибээлэ ыытыллыаҕа.

Тэрээһиҥҥэ туризм эйгэтин бэрэстэбиитэллэрэ, айанньыттар уонна араас эспэдииссийэ кыттыылаахтара, спортивнай уонна үөрэхтээһин туризмын сайыннарыыга интэриэстээх дьон түмсүөхтэрэ. Бэстибээлгэ тэрийээччилэр араас туристическай дьарыктары уонна хайыһар көрүҥнэрин билиһиннэриэхтэрэ. Хаартыска быыстапката  баар буолуоҕа. Туризм эйгэтигэр үлэлэһэр аатырбыт Георгий Цыпандин «В поисках таинственного горного хребта», оттон Николай Находкин «Экспедиция на землю Санникова»  бырайыактарын билиһиннэриэхтэрэ. «Турист лааппытыттан араас айаҥҥа наадалааҕы атыылаһыахха сөп.  Тэрээһиҥҥэ альпинистар кыттыахтара, маны таһынан өрөспүүбүлүкэ 30 бастыҥ туриһын бэлиэтиэхтэрэ

Тэрээһин Арассыыйа бэрэсидьиэнэ Владимир Путин көҕүлээһининэн ыытыллар дойду иһинээҕи туризмы сайыннарыыга, актыыбынай сынньалаҥы көҕүлээһиҥҥэ, туристическай өҥөлөр таһымнарын үрдэтиигэ туһуламмыт «Туризм уонна ыалдьытымсах буолуу» национальнай бырайыагын чэрчитинэн ыытыллар.