Туризмы сайыннарар ааҕыныстыба саҥа салайааччыланна

Бу күннэргэ СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай маркетинг ааҕыныстыбата» СӨ судаарыстыбаннай автономнай тэрилтэтин саҥа генеральнай дириэктэрин Спиридон Сивцевы билиһиннэрдэ.

Саҥа салайааччы бу иннинэ СӨ Бырабыыталыстыбатын Бэрэссэдээтэлин солбуйааччы Анатолий Семенов көмөлөһөөччүтүнэн үлэлээбитэ.

«Биһиги хамаандабытыгар Спиридон Сивцевы үөрэ көрсөбүт уонна кини салалтатынан өрөспүүбүлүкэ туристическай кыаҕын сайыннарыыга саҥа үрдэллэргэ тахсар кыахтаныахпыт диэн бигэ эрэллээхпит. Спиридон Гаврильевиһы тэрилтэбит салайааччытынан анаммытынан эҕэрдэлиибит уонна улахан суолталаах бырайыактары олоххо киллэриигэ ситиһиилэри баҕарабыт!» — диэн ааҕыныстыба үлэһиттэрэ бэйэлэрин телеграм-ханаалларыгар суруйдулар.