Хаартыска: ааптар түһэриитэ
Дьокуускайга Сэбиэскэй Сойуус Дьоруойа аатырбыт снайпер Федор Охлопков кэриэһигэр анаммыт ыраах дистанцияҕа ытыыга Бүтүн Арассыыйатааҕы үһүс аһаҕас турнир кыайыылаахтарын быһаардылар.
“Түүн” түһүмэххэ үһүс миэстэни снайпер Евгений Соловьев уонна корректировщик Сергей Кириченко ыллылар. Иккис миэстэни “Гусар” позывнойдаах снайпер “Хантер” позывнойдаах корректировщигын кытта ыллылар. Бу түһүмэххэ бастакы миэстэни 2100 м ыраахтан сыалы таппыт “Физрук” позывнойдаах снайпер уонна корректировщига “Ридик” ыллылар. Бу көрдөрүү турнир рекордунан буолла. Ол иһин бу паараҕа 3 мөл. солк. туттарылынна.
“Күнүс” түһүмэххэ үһүс миэстэни снайпер Сергей Антоновскай корректировщигын Александр Антоновскайы кытта ыллылар. Иккис миэстэҕэ “Белый” позывнойдаах снайпер уонна “Добрый” позывнойдаах корректировщик тигистилэр. Оттон бастакы миэстэни 2000 м ыраахтан сыалы таппыт саха уолаттара — снайпер Леонид Архангельскай уонна корректировщига Михаил Ефимов ыланнар, биир дойдулаахтарыгар кыайыы өрөгөйүн бэлэхтээтилэр.
Үһүс миэстэни ылбыттар 500 тыһ. солк., иккис миэстэни ылбыттар “Сокол” вездеходунан, бастакы миэстэни ылбыттар “Пикап” массыынанан наҕараадаланнылар.
Маны таһынан элбэх анал бириис туттарылынна. Турнир сүрүн судьуйата Юрий Трутнев бойобуой быһахтары Сергей Клюг уонна Максим Токарев паараларыгар “Хорсуҥҥут иһин” диэн туран бэлэхтээтэ. Кинилэр 3200 м ыраах сыалы таба сатаабыттар.
Турниры түмүктүүр этиитигэр Юрий Трутнев, эһиил табылыннаҕына турнир норуоттар икки ардыларынааҕы таһымнаныа, диэн эттэ.
Ил Дархан Айсен Николаев Москваҕа оробуочай командировкаҕа сылдьан, СӨ судаарыстыбаннай сүбэһитэ Вячеслав Штыровы кытта көрүстэ.…
Хас биирдии байыаннай сулууспалаахха Саҥа дьыл бэлэхтэрэ туттарыллыахтара. Бу туһунан "Бары бииргэ - Кыайыыга!" өрөспүүбүлүкэтээҕи…
Erid: 2SDnjcCD1MH Новогодняя акция для рекламодателей: скидка 50% и удвоение срока размещения! Начните новый год…
Саха сиринээҕи РФ Силиэстийэлиир кэмитиэтин Ньурбатааҕы улуустар икки ардыларынааҕы силиэстийэлиир отдела хомуйбут дакаастабылларынан 53 саастаах…
Саҥа дьиэни тутталларыгар элбэх сиэри-туому тутуһаллара. Улахан суол аартыктарыгар, суол тоҕойдоругар, тумуһах, тумул сирдэргэ дьиэни…
Биэнсийэ пуондатын аатыттан түөкүттэр 2016-2018 сыллардааҕы биэнсийэҕитин хаттаан аахпыттар диэн үһүйээни толкуйдаан, биэнсийэлээх дьоҥҥо эрийтэлээн…