Хаартыска уонна видео -- Елена Потоцкая.
Бүгүн Москваттан туризм кэмитиэтиттэн араас хайысхаҕа үлэлэһэр туристическай эйгэ исписэлиистэрэ кэлэн, Саха сирин туроператордарын кытта көрсөн санаа атастастылар, бииргэ үлэлээһин хайысхаларын тобуллулар, кэккэ кэскиллээх барыллары торумнаатылар.
Бэрт кэрэхсэбиллээх бырагыраама киһи болҕомтотун тардар гына толкуйдаммыт. Бастаан сиэссийэ кыттыылаахтара бэйэ-бэйэлэрин биирдиилээн билиһиннэрдилэр. Буолумуна, биир хамаандаҕа киирэн үлэлиир буоллахтара. Бастакынан тэрилтэлэрин туһунан «ЭркээниТур» ХЭУо дириэктэрин солбуйааччы Владимир Скрыбыкин уонна бу фирма бэрэстэбиитэлэ Саргылаана Федорова билиһиннэрдилэр.
Дьокуускай куорат устуоруйатын түмэлин дириэктэрэ Александр Ноговицын тэрилтэтин туһунан бу курдук сырдатта:
RUSSPASS стратегическай сиэссийэҕэ туроператордар бэйэлэрин сонун идиэйэлэрин, бырайыактарын толкуйдаан, Москваттан кэлэр туристарга Саха сиригэр кэлэн ханна сынньаныахтарын, тугу көрүөхтэрин, аһыахтарын туһунан барылы оҥорон билиһиннэрдилэр.
Туроператордар икки хамаандаҕа хайдыһан Саха сирин туристическай эйгэтин билиһиннэрдилэр.
Ол курдук, бастакы хамаанда уопсай сүбэнэн сынньалаҥ бырагырааматын толкуйдаата.
Оттон иккис хамаанда биирдии бэйэлэрэ былааннаан баран, барылларын уопсай холбоон биэриэхтэрэ.
Статегическай сиэссийэни салайан ыыппыт Наталья Кутырева тэрээһин туһунан санаатын маннык үллэһиннэ:
Ити курдук, аҕыйах мүнүүтэ иһигэр Москваттан кэлбит Туризм кэмитиэтин үлэһиттэрэ олохтоох туроператордартан Саха сирин туристическай маршруттарын туһунан бэрт элбэх матырыйаалы хомуйан ыллылар уонна бэйэлэрин өҥө оҥорор саайтарыгар таһаарыахтара.
Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый…
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…