Салгыы
Тус сыаллаах үөрэниигэ уларыйыы киирдэ

Тус сыаллаах үөрэниигэ уларыйыы киирдэ

16.05.2024, 19:30
Хаартыска: СИА.
Бөлөххө киир:
Бэс ыйын 20 күнүттэн орто анал, үрдүк үөрэх тэрилтэлэригэр үөрэххэ ылыы саҕаланар. Быйыл тус сыаллаах үөрэниигэ уларытыылар киирдилэр.
— Сүрүн саҥа уларыйыы — билигин үлэни биэрээччилэр «Работа в России» цифровой былаһааккаҕа каадырга наадыйалларын уонна тус сыаллаах (целевой) үөрэтии ньыматын туһаныахтарын баҕаралларын туһунан иһитиннэриини бэс ыйын 10 күнүттэн хойутаабакка угар эбээһинэстэннилэр, — диэн үөрэх, наука миниистирэ Ньургууна Соколова быһаарда. Онон абитуриент бэйэтэ бу саайка киирэн, көрөн-билэн баран, сайаапка түһэриэн, дуогабардаһыан сөп.

СӨ Дьарыктаах буолууга судаарыстыбаннай кэмитиэтэ иһитиннэрбитинэн, «Работа в России» порталга өрөспүүбүлүкэттэн 10 тыһыынчаттан тахса вакансия баар. Улахан аҥаара — оробуочай уонна бырамыысыланнай идэлэр.

Саамай элбэх суоппардарга, анал тиэхиникэ машинистарыгар, слесардарга, электромонтердарга, повардарга, электрогазосварщиктарга, оператордарга наадыйаллар. Сулууспалаах идэлэргэ — бырааска, инженергэ, учууталга, сиэстэрэҕэ, биэлсэргэ, полицейскайга, харабылга наадыйыы баар.

Саха сиригэр 2024-2025 үөрэх дьылыгар федеральнай бүддьүөттэн 923 тус сыаллаах миэстэ уонна өрөспүүбүлүкэттэн 785 миэстэ көрүллүбүт. 

Ил Дархан, бырабыыталыстыба пресс-сулууспата.

+1
2
+1
0
+1
0
+1
0
+1
0
+1
0
+1
0
Бары сонуннар
Салгыы
22 июня
  • 14°C
  • Ощущается: 13°Влажность: 77% Скорость ветра: 0 м/с

Сообщить об опечатке

Текст, который будет отправлен нашим редакторам: