Хаартыска: 1000меню
Аан дойдуга аатырбыт бешамель тума оҥоһуллуута биһиги саламааппытыгар маарынныыр. Бу тума аһы олус тупсарар. Үгүс хаһаайкалар билэллэрэ, сатыыллара буолуо. Ол эрээри, билбэт, туһаммат дьон эмиэ элбэх.
Биһиэхэ наада: 50 г бурдук, 50 г ынах арыыта, 500 мл үүт, туус, хара биэрэс, 1 кымаах мускатнай эриэхэ.
Мөлтөх уокка арыыны уулларабыт. Билиитэттэн ылаат, бурдугу кутабыт, мас лаппаахынан булкуйабыт. Онтон эмиэ билиитэҕэ ууран баран, булкуйа турабыт, кыра-кыралаан үүт кутабыт. Ол кэнниттэн мөлтөх уокка өссө 7-8 мүнүүтэ буһарабыт, булкуйарбытын умнубаппыт.
Онтон туустуубут, биэрэстиибит, мускатнай эриэхэни кутабыт. Уотун арааран баран, билиитэҕэ туруора түһэбит. Биир ньуоска сүөгэйи, ынах арыытын эптэххэ, өссө минньийэр (эбимиэххэ да сөп).
Тума олус хойуу буолан хааллаҕына, үүтүнэн, арыынан убатыахха сөп, оттон убаҕас буолан хааллаҕына, кыратык бурдук кутан, хойуннарыахха сөп.
Бешамель туманы лазанья оҥорорго туһаналлар. Маны тэҥэ, мокоруон буһаран баран, бешамель туманы куттахха, пааста диэн ааттанар. Дьиҥэ, оҥоһуута олус судургу.
Быйыл сайын итирик туруктаах сылдьыбыт эр киһи күлүгээнниир сыалтан суолга патруллуур сулууспа “УАЗ Патриот” массыынатын…
Күһүн буолан, тумуу, дьаҥ элбээтэ. Ыалдьыбат туһуттан, туһалаах, тумууттан харыстыыр арыыны оҥостон сииргитигэр сүбэлиибит. …
СӨ Үлэҕэ уонна социальнай сайдыыга министиэристибэтэ оҕолоох ыалларга төлөбүр иэһин сабыыга киирбит үбүнэн, 2025 сыл…
Түөкүттэр саҥаттан саҥа албастары толкуйдаан, дьонтон харчы ыга үктээн ылыылара күннэтэ тахса турар. Билигин аны…
СӨ Судаарыстыбаннай Мунньаҕа (Ил Түмэн) өрөспүүбүлүкэ Төрүт Сокуонун балаһыанньаларын Россия сокуоннарыгар сөп түбэһиннэрэргэ туһуламмыт уларытыылары…
Социальнай ситимнэргэ уонна мессенджердэргэ Арассыыйа Федерациятын сиригэр-уотугар аҕыйах күҥҥэ интэриниэт ситимэ арахсарын туһунан РФ Цифровой…