ТУСКАР ТУҺАН: Даачаҕа олбуору туруоруу туспа ирдэбиллээх…

Даача учаастага – чааһынай бас билиигэ бэриллэр, ол эрээри олбуору туруорарга сөптөөх нуормалары тутуһар ирдэнэр. Бу туһунан Объясняем.рф саайт быһаарар.

Сүрүн ирдэбиллэр:

—   Учаастак кыраныыссатын устун 1,2–1,8 м үрдүктээх сиэккэ эбэтэр иһэ-таһа көстөр олбуор туруоруллуохтаах;

—   Бүтэй олбуор уулусса, ааһар суол эбэтэр учаастак тас кыраныыссатын өттүттэн эрэ туруорар көҥүллэнэр. Үксүн эрэгийиэн ахсын үрдүгүн бэйэлэрин хааччахтарынан олохтууллар. Холобур, Подмосковьеҕа күрүө үрдүгэ 2 миэтэрэттэн үрдүк буолуо суохтаах. Ирдэбиллэри олохтоох дьаһалта саайтыгар киирэн чопчулуохха сөп. Бүтэй олбуор күүстээх күлүгү үөскэтэр. Ол түмүгэр үүнээйилэр мөлтөхтүк үүнэллэр, оттон буор ардах кэнниттэн кураара бытаарар. Ону таһынан, маннык олбуор салгын көҥүл эргийэрин мэһэйдиир. Бу куйаас кэмҥэ буор аһары итийэригэр тиэрдиэн сөп.

Нуорманы кэһээччилэри туох күүтэрий?

Өскөтүн эһиги олбуору нуорманы тутуспакка туруордаххытына, быһаччы ыстараап көрүллүбэт. Ол эрээри, олбуоргут чугастыы олорор ыалларгыт учаастагар мэһэйдиир буоллаҕына, кинилэр суукка үҥсүү түһэрэр бырааптаахтар. Оннук түгэҥҥэ эһигини манныкка эбээһинэстиэхтэрин сөп:

• олбуору көтүрэргэ;
• ороскуоту толуйарга.

Маннык быһыы-майгы тахсыбатын наадатыгар, олбуору нуормалары учуоттаан туруоруҥ эбэтэр, бүтэй олбуору туруорар былааннаах буоллаххытына, тиэргэн тула олорор ыалларгытыттан суругунан сөптөөх сөбүлэҥи ылыҥ.