ТУСКАР ТУҺАН: Тимир көлө тоҕо бэнсиини «сиир» буолла?

Үгүстэр тимир көлө бэнсиини элбэҕи «сиирин»  оҥоһуллубут сылынан эбэтэр ыраах сүүрбүтүнэн быһаараллар. Ол эрээри, төрүөтэ үксүн биһиги күннээҕи олоххо аахайбат төрүттэртэн тутулуктаах буолар диэн Pravda.Ru таһаарыы эспиэрдэрэ бэлиэтииллэр.

Бэнсиин сүрүн «сиэччилэриттэн» биирдэстэринэн түргэн тэтимнээхтик ыытыы буолар. Светофортан эрдэ «үргүйүү» уонна пешеходка эмиэ оннук соһуччу тохтооһун мотуору быстыар диэри үлэлэтэр, ол түмүгэр бэнсиин ороскуота биллэрдик улаатар. Ол иһин тимир көлөнөн сыыйа-баайа түргэтээн биэрэн уонна мэһэйдэри көрсүөн иннинэ эрдэттэн бытааран, биир тэҥник айанныыр ордук көдьүүстээх.

Тимир көлө тэхиниичэскэйтуругун эмиэ умнубатахха сатанар. Салгына мөлтөөбүт эрэһиинэлэр эбэтэр уларыйбатаҕа ырааппыт салгын фильтрэ курдук кыра төрүөттэр, улам-улам да буоллар, эһигини сапыраапкаҕа ордук чаастатык сылдьарга күһэйэллэр. Ону таһынан, сайыҥҥы куйааска толору күүһүнэн үлэлиир кондиционер бэнсин ороскуотун 10%-нан улаатыннарар, оттон кыһын олорор олбоҕу уонна түннүктэри сылытары курдук туһаныы эмиэ бэйэтин «кылаатын» киллэрэр. Оннооҕор сабвуфердаах күүстээх аудиосистема генераторга эбии ноҕуруусканы үөскэтэр, мотуортан күүһүн былдьыыр.