Тускар туһан: Олбох тигиитин кистэлэҥнэрэ

Таатта улууһун уран тарбахтаах иистэнньэҥэ Сахаайа Боппосова социальнай ситимнэринэн иис-күүс эйгэтигэр  маастар-кылаастары ыытар, дьиэ кэргэҥҥэ араас таҥаһы тигэргэ сүбэлэринэн уонна бэлэм быыккарайдарынан (выкройкаларынан) үллэстэр. Итини таһынан, кини чугас дьонун, аймахтарын  хаартыскаларын көрдөрөр, тус олоҕун туһунан блогар кэпсиир.

Ол курдук,  бу сырыыга, саха саамай кэтэһиилээх сайыҥҥы бырааһынньыга – Ыһыах кэмигэр, талааннаах иистэнньэҥ саха мааны олбох тигиитигэр анаммыт маастар-кылаас көрдөрдө. Тускутугар туһаныҥ!

Олбох тигэргэ туох нааданый?

Сукуна эбэтэр габардин: 3-4 араас өҥнөөх, хас биирдиититтэн 20-лии см уһуннаах.

Дублерин: кэтитэ 150 см, онтон 60-80 см уһуннаах быһыы наада.

Хлопок таҥастан тигиллэр ис таҥас (подклад): 42х42 см кээмэйдээх матырыйаал (холобур, 50 см кэтиттээх таҥас).