Тускар туһан: Сэппэрээк сөтөлү хоҥуннарарга көмөлөөх

Билигин тумуу, кириип күүскэ тарҕана турар кэмнэрэ. Бу дьаҥ күүскэ сөтөлүннэрэр уонна ааһан-араҕан биэрбэт дииллэр. Маннык түгэҥҥэ аар айылҕабыт эмтээх отторо көмөлөһүөхтэрэ.

Ойуурга хойуутук үүнэр сэппэрээк (сугун абаҕата, багульник болотный) сөтөлгө, бронхикка, трахеикка ыараханнык хоҥнор сөтөлү таһаарар, бэл, аастымаҕа, сэлликкэ көмөлөөх. Ыарыыны көбүтэр бактыарыйалары утары охсуһар уонна элбииллэрин тохтотор.

Бу дьааттаах үүнээйи, ордук сибэккилиир кэмигэр хомуйар кутталлаах. Онон сибэккилээн бүппүтүн кэннэ, атырдьах ыйыгар, балаҕан ыйыгар саҥа үүммүт сэбирдэхтэрин хомуйуллар. Мааскалаах, үтүлүктээх сылдьан хомуйар ордук, хаан баттааһына эмискэ түһүөн сөп.

1 ч.нь. хаппыт оту 1 ыстакаан ууга кутан баран, иһитин атын уулаах иһиккэ ууран, «уулаах баанньыкка» 15 мүнүүтэ устата оргутабыт. Сойутан баран, үс хос маарыла нөҥүө сиидэлиибит, илиибитинэн ыгабыт. Уута уолбут, 200 мл диэри тиийбэт буоллаҕына, эбэн биэрэбит.

Ыстакаан 1/4-дүн күҥҥэ иккитэ-үстэ аһаан баран, иһиллэр. Сэрэхтээхтик кэтэнэн көрөн, иһиэххэ наада. Дуозатын кыччатыаха сөп.

18 саастарын туола илик оҕолорго, хат дьахталларга, эмтэрэр ийэлэргэ иһэрдиллибэт.

Лена Кривошапкина, «Эмтээх үүнээйилэри тымныйыыга туһаныы».