ТУСКАР ТУҺАН: Томат туматын оҥоруохха

Томаттан (помидортан) оҥоһуллар тума элбэх бүлүүдэҕэ барсар, ас амтанын олус тупсарар. Дьэ, судургу ырыссыабынан астаан көрүөҕүҥ.

1,1 киилэ үчүгэйдик буспут помидор (эбэтэр, 800 г кэнсиэрбэлэммит томат), 1 луук, 1 моркуоп, 1 лабаа сельдерей, 1 өлүүскэ чеснок, 2 ос. нь. оливка арыыта, 1 лабаа базилик, туус.

Луугу, моркуобу, сельдерейи кыра гына кырбастыыбыт. Барытын оливка арыытыгар ыһаарылыыбыт, онтон помидору кырбаан, кутабыт, базилик аҥаарын эбэбит, туустуубут. Бу кэмҥэ сүмэһинэ тахсар.

Оргуйа түспүтүн кэннэ, уотун лаппа кыччатан баран, 20 мүнүүтэ буһарабыт. Б укэннэ блендердээн баран, базилик тобоҕун кутан, сытын тупсарабыт. Аһыы соҕус диэтэххитинэ, 1 ост.нь. саахары кутан, минньитиэххэ сөп. Тума бэлэм!

Бу туманы бааҥкаҕа уган, үрдүгэр оливка арыытын чараас гына кутан баран, 2-3 күн устата халадыынньыкка харайыахха сөп. Томат туматын торуойга (мокоруон, гречка, рис, хортуоска) эбэн сиэтэххэ, олус минньитэр. Мииҥҥэ да кутан, борщ оҥостуохха сөп. Онон сарсыҥҥы күнүгэр ордуо да суоҕун сөп.