Хаартыска: Повар.ру
Күһүн тоҥорбутун кэннэ, хаһаайкалар хаппыыстаны тууһаатылар. Дьиэлээхтэрэ хачыгыраччы сии сылдьар буолуохтаахтар. Тууһаммыт хаппыыста — ферментацияламмыт, оһоҕоско туһалаах ас. Оттон атын оҕуруот аһын эмиэ тууһуохха, көөнньөрүөххэ сөп эбит. Бу сырыыга ферментацияламмыт моркуоп ырысыабын биэрэбит.
Моркуоп — 400 г,
Чусунуок — 1-2 өлүүскэ,
Ыраас уу — 300 мл,
Туус — 5 г.
Бааҥканы ыга хаппахтаах баран, 3 күҥҥэ остуолга хаалларабыт. Ороһуола көөнньөн, хаппах быыһынан тохтуон сөп, ол иһин бааҥканы тэриэлкэ үрдүгэр уурабыт.
Биир суукка буолан баран, бааҥканы арыйан, көөнньүбүтүн бэрэбиэркэлиибит. Үөһээ өттүгэр хабахтар тахсыбыт буоллахтарына, көөнньөһүк бактыарыйалара үлэлээн эрэллэр. Туустаах хаппыыстаҕа курдук, аһыы сыт кэлэр, онтон икки хонугунан ааһар. Амтана бастаан аһыы буолар, онтон улам минньийэр.
Ороһуола бастаан өлбөөрөр, онто ааһар. Күҥҥэ биирдэ мас үтэһэнэн дьөлө анньан, салгын киллэриэххэ сөп. Үчүгэйдик көөнньөрүн курдук, хаппахтаан иһиэххэ наада.
Үһүс хонукка бааҥканы арыйан, амсайан көрүөххэ сөп. Хачыгырас буолуон баҕардаххытына, өссө 2-3 күҥҥэ халадыынньыкка угаҕыт. 5-6 хонугар ферментацияламмыт моркуоп бэлэм буолар.
Маннык ферментациялаах моркуобу бэйэтинэн сиир олус туһалаах, элбэх битэмииннээх. Көөнньөһүк бакытарыйалара оһоҕоско, доруобуйаҕа туһалаахтар. Салаакка, борщка да кутуохха сөп. Бу уустуга суох ырыссыабы боруобалаан көрүҥ.
Саха сирин Үлэҕэ уонна социальнай сайдыыга министиэристибэтин чэрчитинэн, 2025 сылга байыаннай дьайыы кыттыылаахтарын 889 төрөппүтэ…
Ис дьыала министиэристибэтин 4 №-дээх управлениетын полицияҕа отделын дьуһуурунай чааһыгар өттүгэр быһах баастаах киһи киирбитин…
Олунньу 12 - 14 күннэригэр СӨ бырабыыталыстыбатын бэрэссэдээтэлин солбуйааччы Анатолий Семенов салайааччылаах министиэристибэлэр, биэдэмистибэлэр бэрэстэбиитэллэрэ…
Судаарыстыбаннай демографическай уонна дьиэ кэргэн бэлиитикэтин олоххо киллэрэр Сэбиэт мунньаҕын түмүгүнэн, Владимир Путин муус устар…
Бу күннэргэ Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай уокурукка…
Москва уобалаһын Красногорской балыыһатыгар 46 саастаах дьахтар хабаҕыттан косметикаҕа туттуллар харандааһы хостообуттарын туһунан Москва уобалаһын…