Тускул: «Бээтинсэттэн үгүс улууска — хаһыҥнаах, хаардаах, ардахтаах сөрүүн күннэр»

Норуот синоптига Тускул балаҕан ыйын 8 күнүттэн 13 күнүгэр диэри күн-дьыл туругун анаарда.

Ол курдук, киин улуустарга, атын улуустар курдук биллэ сөрүүкүөҕэ, сигирээн.

Бүлүү эҥэргэ эмискэ тымныйыаҕа. Бээтинсэҕэ манна түүн 2-3 кыраадыс тымныы  бэлиэтэниэҕэ. Хаһыҥнаах. Күнүс 4-5 кыраадыс сылыйар. Сэрэдэҕэ, чэппиэргэ манна  хаардаах ардах. Сигирээн.

Өлүөхүмэҕэ түүн 2-3 кыраадыс тымныы. Хаһыҥнаах.  Күнүс 7-8 кыраадыс сылаас.
Кэбээйигэ түүн 0 кыраадыс, күнүс 6-7 кыраадыс сылаас.

Өймөкөөҥҥө балаҕан ыйын 11 күнүгэр улаханнык  тымныйыаҕа. Түүн 3-4 кыраадыс, күнүс 10 кыраадыс сылаас.

Дьааҥыга күнүс  10 кыраадыс сылаас. Халыма-Индигиир улуустарыгар хаар уонна ардах. Өлөөҥҥө 3-4 кыраадыс сылаас. Хаһыҥнаах.
Тиксиигэ Лаптевтар муоралара охсон, 6-8 кыраадыс сылыйыаҕа. Ый аҥаара манна сылаас күннэр туруохтара.

Улаханнык тымныйда, күһүн эрдэ кэллэ диэн сэрэхидийэр эрдэ. Балаҕан ыйын 14 күнүттэн сылаас, чаҕылхай күннээх кэм хаттаан эргийиэҕэ.