Бу күннэргэ өрөспүүбүлүкэ үгүс улуустарыгар эмиэ күһүҥҥүлүү тымныы күннэр буолан аастылар.
Тоҕо тымныйан ылбытын норуот синоптига Тускул «Тэтим» араадьыйаҕа бээтинсэтээҕи күнү-дьылы сылыктааһыныгар маннык быһаарда:
— Саха сиригэр эрэ буолбатах, ааһан эрэр нэдиэлэҕэ Арассыыйа бары эрэгийэннэригэр тымныы салгын сабардаан ааста. Ааттаах-суоллаах синоптиктар да маннык тымныы кэлэн ааһарын билбэтэхтэрэ, ол иһин ханнык да сэрэтии суоҕа. +30 кыраадыска тиийэ куйаарбыт киин куораттарга эмискэ хаһыҥ түһэн, ол эҥэр олорор дьону ыксата сырытта. Саха сиригэр бу күннэргэ түүн +4-5 кыраадыска тиийэ сырытта, сорох улуустарга -2 кыраадыс бэлиэтэнэн ылла. Кэлэр нэдиэлэттэн сыыйа сылыйан барыаҕа, түүн +10 кыраадыс буолуоҕа, күнүс +22-23 кыраадыс бэлиэтэниэҕэ. Арай үгүс улууска бэс ыйын 24 күнүгэр эмиэ эмискэ тымныйан ылыаҕа. Ол курдук, Бүлүү эҥэр бэс ыйын 23 күнүгэр +10 кыраадыс буолуоҕа. Кэбээйигэ бээтинсэ күн, бэс ыйын 23 күнүгэр, күнүс +5-6 кыраадыс эрэ буолуоҕа. Онон 24 чыыһылаҕа ыһыахтыы барар дьон ичигэстик таҥнаарыҥ.
Тымныытынан аатырар Өймөкөөҥҥө бу күннэргэ ураты болҕомто — бу улууска өрөспүүбүлүкэтээҕи Олоҥхо ыһыаҕа ыһыллаары турар буолан, онно бараары сылдьар үгүс киһи «хайдах күн-дьыл буолара буолла?» диэн толкуйдуу сылдьара чахчы. Халлаан туруга манна күн аайы биир тэҥ. Тымныйбат да, сылыйбат да — күнүс 20-тэн тахса кыраадыс, түүн +10 кыраадыс сылаас. Олоҥхо ыһыаҕын саҕана Өймөкөөҥҥө 20-тэн тахса кыраадыс сылаас.
Дьааҥыга бу күннэргэ түүн +10, күнүс 20-тэн тахса кыраадыс. 24 чыыһылаҕа манна тымныы эмиэ охсуллан ааһыаҕа.
ГТРК «Саха» ханаалга «Вместе с Айсеном Николаевым» саҥа биэриитэ бүгүн, ыам ыйын 12 күнүгэр, киэһэ…
Быйыл Улуу Кыайыы 79 сылын бэлиэтээтибит. Сыл-хонук ааһан, төһө да ыраатан истэр, кыһарҕаннаах түөрт сылы…
«Record» (Бразилия) ханаалга аан дойдуга саамай тымныы Дьокуускай куорат туһунан кэпсиир сюжет таҕыста. Биэрии кэмигэр…
Өлүөхүмэ улууһугар муус хойуутук ааһар кэмэ саҕаланна. Дьэлгэй нэһилиэгэр 6 дьиэ ууга былдьанна. Дьиэлэринэн 12…
20-с үйэ буурҕаларын тулуйбут, уот ардаҕы түөстэригэр тоһуйбут, саах сыбахтаах балаҕантан таас дьиэҕэ көһүүнү, олох…
Ыам ыйын 11 күнүгэр “Федерация толорор былааһын тутулун туһунан” РФ Бэрэсидьиэнин ыйааҕа таҕыста. Саҥа тутулунан…