Хаартыска -- Ольга Пестерева түһэриитэ
Өбүгэлэрбит сэтинньини Байанайы булдун-алтын кытта ыкса сибээстииллэрэ — олус үөрүнньэҥ, кэһии биэрэр курдук саныыллара.
«Махталлаах булчукка Байанай хара тыа баайыттан үөрэ-көтө бэрсэр» диэн өйдөбүл олохсуйбутун бэлиэтээн туран, норуот синоптига Тускул сэтинньини бигэлээтэ.
— Сэтинньи — сахалар саамай сүгүрүйэр ыйдарыттан биирдэстэрэ. Бу ыйга түүмэх түһэн барар. Кэлиҥҥи сылларга күн уһаан иһэрэ билиннэ. Киин улуустарга кыстык хаар хойутаан түһэн, хойукка диэри сүөһүлэр алаастарынан сырыттылар. Соторутааҕыта хотоннорун буллулар. Аны Өлүөнэ Эбэ дьыл баччатыгар диэри устан мөлбөһүйэ сытар. Кыдьымах билигин да киирэ илик. Былырыын өрүс сэтинньи 27 күнүгэр турбута, массыыналар онон олох хойутаан Эбэни туораабыттара. Быйылгы сэтинньи эмиэ сымнаҕас ыйдар ахсааннарыгар киирииһи. Урут баччаларга Өлүөнэ өрүскэ уу сырыыта сабыллан, кыдьымах киирэн, сэтинньи 7 күнүгэр бастакы массыыналар туорууллар этэ. 40-45 кыраадыстаах тымныы түһэрэ. Бу Артика сылыйыытын бэлиэтэ. Хотугу Муустаах муора мууһун ириитин охсуутунан, эһиил өссө сылыйаары турар. Онон бу кэмҥэ олорооочулар айылҕа тосту уларыйыыларын биирдэ буолар көстүүлэрин туоһуларынан буолабыт, — диэн бэлиэтиир Тускул.
Салгыы улуустарынан сэтинньигэ хайдах күн-дьыл буоларын туһунан норуот синоптига Тускул билгэтин «Саха сирэ» хаһыат сарсыҥҥы чэппиэрдээҕи нүөмэригэр ааҕыҥ.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…