Хаартыска - Елена Черемкина
Бу күннэргэ Тымныы полюһунан аатырар Өймөкөөн улууһугар хаар түһэн, өрөспүүбүлүкэҕэ барытыгар тымныйан ылла.
Күүстээх тымныы тыал өрүү хотугулуу-илинтэн билигин да үрэр. Тоҕо бу эҥэр тымныйбытын, кыһыҥҥылыы хаар кэлэн түспүтүн норуот синоптига Тускул бу курдук быһаарда:
— Бу күннэргэ Арктикаттан олус улахан тымныы салгын кэлэн, Өймөкөөн диэки улахан хаары аҕалла. Өрүү бэлиэтиирим курдук, сиргэ эмиэ арааһынай иирсээн буоларыныы, сылаас тымныыны кытта охсуһуута күн аайы буола турар. Онон итийэн турбут ичигэс салгыны кытта Магадаантан уонна Камчааткаттан кэлбит тымныы салгын чугастыы Өймөкөөнү хаарыйан, манна күүскэ хаардаан ааста.
(Өймөкөөн нэһилиэгин олохтооҕо Семен Сивцев устуута).
Онон Өймөкөөн улууһун олохтоохторо Ньукуолуну хаар быыһыгар көрсөн бэлиэтээтилэр.
(Төрүт нэһилиэгин олохтооҕо Егор Находкин устуута).
Онтон Саха сирин хабан, аны Бурятияҕа тиийдэ, онно эмиэ хойуу хаар түстэ. Ол кэннэ бу тымныы салгын Красноярскайынан Казахстааҥҥа тиийэ баран, тымныйан ылла. Билигин да бу салгын сабыдыала Өймөкөөнтөн «арахса» илик. Ол тыына киин улуустарга эмиэ биллэн, бу күннэргэ тымныы тыаллаах буолан, сылыйа илик.
Өймөкөөн улууһугар бэс ыйын саҥатыттан күнүс +12-14 кыраадыска тиийэ сылыйыаҕа. Бэс ыйын 6 күнүттэн +18 кыраадыс сылыйыаҕа. Түүн +10-14 кыраадыс буолуоҕа. Онон өймөкөөннөргө оҕуруот аһын үүннэрэргэ тоҕоостоох күннэр үүнүөхтэрэ. Бэс ыйын 15 күнүттэн Олоҥхо ыһыаҕа ыытыллар улууһугар куйаас күннэр саҕаланыахтара. Ол курдук, күнүс 21-25 кыраадыстан саҕаланан, сыыйа куйааран барыаҕа. Түүн +10 кырадыс сылыйыаҕа. Самаан сайын сатыылыыра аҕыйах хонук хаалла.
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…
Бэҕэһээ, ахсынньы 28 күнүгэр 22:18 чааска «Восточный космодромтан «Союз-2.1б» аракыата көппүтэ. «Союз-2.1б» көтөр кэмигэр Саха…
Бу өрөбүлгэ «Восточнай» космодромтан «Союз-2.1б» аракыата көппүтэ. Бүлүү улууһун Үгүлээтигэр быыһааччылар бөлөхтөрө "Роскосмос" үлэһиттэрин кытта…
Бүгүн, ахсынньы 29 күнүгэр, өрөспүүбүлүкэ соҕуруу өттүгэр кыралаан хаардыаҕа, киин оройуоннарга сорох сиринэн туманнаах тымныы…