Салгыы
До выборов президента РФ
00 дней
:
00 часов
:
00 минут
:
00 секунд
Тускул: «Бу нэдиэлэҕэ сылыйыаҕа…»

Тускул: «Бу нэдиэлэҕэ сылыйыаҕа…»

10.10.2023, 14:30
Хаартыскаҕа Ольга Пестерева түһэриитэ
Бөлөххө киир:

Бу турар ичигэс күннэри синоптиктар Красноярскай кыраайтан кэлбит сылаас циклону кытта ыкса сибээстииллэр.

Хаар түһэрин, халлаан сылыйан, аны ардах солбуйда. Онон норуот синоптига Тускул «быйыл күһүн уһуо» диэн билгэлээбитэ туолла. Идэһэлэнии уһуур чинчилэннэ.

Бүгүн «Тэтим» араадьыйаҕа Тускул «бу оптуорунньуктан бээтинсэҕэ диэри эмиэ сылаас күн-дьыл туруоҕа» диэн билгэлээтэ. Ол курдук, норуот синоптига бэлиэтээбитинэн, киин улуустарга 3 кыраадыска тиийэ сылыйыаҕа, ардаан ылыаҕа.

Бүлүү эҥэр бу күннэргэ олох сылыйан турар. Манна күнүс 8 кыраадыска тиийэ сылыйыаҕа. Өлүөхүмэҕэ соҕуруу дойду курдук —  түүн 8 кыраадыска диэри сылыйар буоллаҕына, күнүһүн 15 кыраадыска тиийэ сылыйыаҕа. Онон биир нэдиэлэ устата өлүөхүмэлэр «күннээн» ылыахтара. 

Өймөкөөҥҥө түүн 15 кыраадыска тиийэ тымныйар. Манна сылыйыы суох. Тоҥоруу саҕаланна. Дьааҥыга, Муомаҕа эмиэ тымныы. 

Өлөөҥҥө 8 кыраадыска тиийэ сылыйыаҕа. Өлөөн киин улустарга погоданы оҥорор улууһунан биллэр. Онон бу улууска сылыйыы киин улуустарга эмиэ ичигэс күннэри аҕалыаҕа, — диэн Тускул араадьыйаҕа кэпсээтэ.

Онон бу үүммүт нэдиэлэ эмиэ ичигэс буолар.  Бокуой булбакка түннүгүн сууйа илик хаһаайка дьиэтээҕи түбүгүн бу нэдиэлэҕэ холкутук ситэриэн сөп буолсу.

+1
3
+1
2
+1
0
+1
0
+1
0
+1
0
+1
0
Бары сонуннар
Салгыы
23 февраля
  • -36°C
  • Ощущается: -36°Влажность: 66% Скорость ветра: 1 м/с

Сообщить об опечатке

Текст, который будет отправлен нашим редакторам: