Хаартыскаҕа Ольга Пестерева түһэриитэ
Бу турар ичигэс күннэри синоптиктар Красноярскай кыраайтан кэлбит сылаас циклону кытта ыкса сибээстииллэр.
Хаар түһэрин, халлаан сылыйан, аны ардах солбуйда. Онон норуот синоптига Тускул «быйыл күһүн уһуо» диэн билгэлээбитэ туолла. Идэһэлэнии уһуур чинчилэннэ.
Бүгүн «Тэтим» араадьыйаҕа Тускул «бу оптуорунньуктан бээтинсэҕэ диэри эмиэ сылаас күн-дьыл туруоҕа» диэн билгэлээтэ. Ол курдук, норуот синоптига бэлиэтээбитинэн, киин улуустарга 3 кыраадыска тиийэ сылыйыаҕа, ардаан ылыаҕа.
— Бүлүү эҥэр бу күннэргэ олох сылыйан турар. Манна күнүс 8 кыраадыска тиийэ сылыйыаҕа. Өлүөхүмэҕэ соҕуруу дойду курдук — түүн 8 кыраадыска диэри сылыйар буоллаҕына, күнүһүн 15 кыраадыска тиийэ сылыйыаҕа. Онон биир нэдиэлэ устата өлүөхүмэлэр «күннээн» ылыахтара.
Өймөкөөҥҥө түүн 15 кыраадыска тиийэ тымныйар. Манна сылыйыы суох. Тоҥоруу саҕаланна. Дьааҥыга, Муомаҕа эмиэ тымныы.
Өлөөҥҥө 8 кыраадыска тиийэ сылыйыаҕа. Өлөөн киин улустарга погоданы оҥорор улууһунан биллэр. Онон бу улууска сылыйыы киин улуустарга эмиэ ичигэс күннэри аҕалыаҕа, — диэн Тускул араадьыйаҕа кэпсээтэ.
Онон бу үүммүт нэдиэлэ эмиэ ичигэс буолар. Бокуой булбакка түннүгүн сууйа илик хаһаайка дьиэтээҕи түбүгүн бу нэдиэлэҕэ холкутук ситэриэн сөп буолсу.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…