Хаартыска -- Ольга Пестерва түһэриитэ
Үгэс быһыытынан ый саҥатыгар норуот синоптига Тускул алтынньыны билгэлээтэ.
— Ый бастакы дэкээдэтэ үгүс киин улуустарга хаардаах, ардахтаах буолуоҕа. Бу ый уон күнэ, урукку сылларга тэҥнээтэххэ, сылаас. Бүлүү эҥээр бастакы уон күҥҥэ син сөҥүүлээх, иккис дэкээдэттэн хаардаах. Соҕуруулуу-арҕаа улуустарга иккис дэкээдэттэн хаардаах, ардахтаах. Алтынньы бу эҥээр улуустарга улахан тымныыта суох. Өймөкөөҥҥө хаар суох, ол оннугар элбэх күннээх буолуоҕа. Халыма-Индигиир эҥээр улуустарга, өтөрүнэн кэлбэтэх алтынньы бэлиэтэниэҕэ. Ол курдук, сөҥүү олох суох курдук: ый иккис, үһүс дэкээдэлэригэр ыраас күн элбэх буолан, дьиэ таһыгар үлэлииргэ, кыстыкка бэлэмнэнэргэ, балыктыырга табыгастаах буолуо.
Көстөрүн курдук, алтынньыга тымныы түспэт, ичигэс күн элбэх. Онон күһүн өссө да уһуур, быйыл да идэһэ хойуутуур чинчилээх. Сүөһү хотоҥҥо киирэрэ өссө да ыраах, — диэн билгэлээтэ.
Норуот синоптига Тускул алтынньы ыйы улуустарынан сиһилии анаарыытын «Саха сирэ» хаһыат чэппиэрдээҕи нүөмэригэр ааҕыҥ.
Ил Дархан Айсен Николаев Киргизия Өрөспүүбүлүкэтин бэрэсидьиэнэ Садыр Нургожоевич Жапаровы кытта көрүстэ. Көрсүһүү кэмигэр инникитин…
Ил Дархан Айсен Николаев бүгүн Бишкек куоракка Кыргызстан Өрөспүүбүлүкэтигэр РФ боломуочуйалаах посолун Сергей Вакуновы кытта…
Кэлиҥҥи кэмҥэ саха төрүт үнүстүрүмүөнүн кыл кылыһаҕы – кыл устурууналаах кырыымпаны сөргүтүү, оҥоруу уонна оонньооһун…
Сааскылыы ичигэс күннэр туран, туманынан бүрүммүт кыһыммытын умнуох да курдук буоллубут. Норуот синоптига Тускул "Тэтим"…
Ыйытыы: Үлэбэр бырайыаспын туһаммыппын отчуоттуурум ирдэнэр. Ол эрээри "посадочнай толуоммун" сүтэрэн кэбистим. Хайдах гыныахха сөбүй?…
Ахсынньы 1 күнүттэн байыаннай сулууспалаахтар ахсааннара элбиэҕэ, 80 сааһын туолбут дьоҥҥо биэнсийэ үрдүөҕэ, байыаннай дьайыы…