Хаартыска -- Андрей Сорокин /СИА
«Тэтим» саха араадьыйатыгар нэдиэлэ аайы оптуорунньукка уонна бээтинсэҕэ норуот синоптига Тускул халлаан туругун билгэлиир, сэрэтэр.
Бу күннэргэ Тускул иһитиннэриитин аайы «быйыл бэрт улахан уулаах саас кэллэ» диэн бэлиэтиир.
— Былырыын күн муҥутаан эстиитэ түмүктэммитэ. Онон кураан дьыллар сыыйа халбарыйан барыахтара. Быйыл кулун тутарга да, муус устарга да Үргэл ыйы иһинэн киирэн ааста. Урукку сылларга ырааҕынан сылдьар этэ, ити биһиги өбүгэлэрбит этэллэринэн, үчүгэй дьыл кэлэрин туоһулуур.
Былаҕачыанайап сахаларга Билгэ таҥаратынан биллэр. Сахалар ордук итэҕэйэр таҥарабыт буолар. Кэлиҥҥи үс сылга хайдах эрэ сөп түбэһэр курдук. Хайаан да бу күнү буолбакка, иннинээҕи-кэннинээҕи күннэри кэтээн көрдөххө, быйыл хайдах эрэ уулаах-хаардаах саас кэлээри турар диэн тойоннуубун. Былырыын син хаардаах этэ уонна кэмигэр ириэрэн уу кэлбитэ, күөллэр туолбуттара, үрэхтэр сүүрдүбүттэрэ. Онно эбии бу ый бүтэһик күннэригэр күүскэ ардаан, тыа хаара ирэн, сир-дойду уунан туолуоҕа. Онон быйыл улахан уу кэлээри турар. Быһыттаргытын, күөллэргитин үчүгэйдик бөҕөргөтүҥ, оккутун-маскытын өрө тардыҥ. Уу кэлэригэр эрдэттэн сэрэниҥ, — диэн сэрэтэр Тускул.
Өрүстэр, үрэхтэр аттыларыгар турар нэһилиэктэр олохтоохторо Тускул бу сэрэтиитин болҕомтоҕо ылыаххыт диэн эрэнэбит.
Күндү Саха сирин олохтоохторо! Эһигини үүнэн эрэр Саҥа 2026 сылынан уонна Ороһуоспанан Саха Өрөспүүбүлүкэтин Ил…
Илиҥҥи халандаар этэринэн, хас биирдии сыл гороскопка баар 12 кыыл салалтатынан ааһар. Үүнүөхтээх 2026 сыл…
Ис сүрэхпиттэн үүнэн иһэр 2026 сылынан эҕэрдэлиибин! Биһиги XXI үйэ иккис чиэппэригэр үктэнэбит. Бэлиэ түгэннэринэн, чаҕылхай ситиһиилэринэн…
Бу күннэргэ күн-дьыл хайдаҕый? Төһө тымныйарый? Хаар түһэр дуо? Өрөспүүбүлүкэ арҕаа өттүгэр сорох сиринэн кыра…
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…