Тускул: «Дьэ, күн-дьыл уларыйыыта сүрдээх…»

Share

Бу күннэргэ сис былыт кэлэн, Саха сирин бары улуустарыгар ичигэс күн-дьыл турар.

Арассыыйа Гидрометкиинин научнай салайааччыта Роман Вильфанд «Саха сиригэр ураты сылаас күннэр туруохтара: Дьокуускайга сэтинньи 15-19 күннэригэр  орто кыраадыс  — 17-20, күнүс — 8-12 кыраадыс. Бу олус сылаас күн-дьыл...»  диэн бэлиэтээтэ .

Оттон норуот синоптига  Тускул бу туһунан туох санаалааҕый?
Дьэ, күн-дьыл уларыйыыта сүрдээх. Өссө Бокуруоп күнүгэр  «алтынньы  14 күнүгэр сылыйдаҕына, сэтинньи 21 күнүгэр диэри улахан тымныы суох» диэн билгэлээбиппит. Кыһын олох хойутаан иһэрэ биллэр.  Ол курдук, веб-хаамыранан көрдөххө, үөһээ диэки —  Өлүөхүмэҕэ, Ленскэйгэ уонна бэтэрээнэн Покровскай анныгар Өлүөнэ Эбэ билигин да уста сытар.

Бу түүн сүрдээх улахан уу кэллэ. Инньэ гынан, күүскэ тааҥнаан эрэр. Ону биһиги, ойбоҥҥо сөтүөлүүр дьон, үчүгэйдик билэбит. Сарсыарда өрүскэ киирэ сылдьан көрбүппүт, уубут олох таһынан дьалкыйбыт этэ. Былырыын сэтинньи 24 күнүгэр өрүс турбут эбит буоллаҕына, билигин да тура илигэ сөхтөрөр. Онон күн-дьыл билигин да уһуур чинчилээх. Сэтинньи иккис сылын уһуннук сылыйда. Онуоха сис былыт кэлиитэ тымныы түһэрин уһатта.

Сис былыт кэлэр нэдиэлэ  чэппиэригэр диэри. Онон өтөрүнэн бэлиэтэммэтэх сылаас күн-дьыл турар. Ордук киин уонна соҕуруулуу-арҕаа улуустарга. Ол курдук, бүгүҥҥү күҥҥэ Өлүөхүмэ диэки баара-суоҕа -8-11 кыраадыс тымныы. Бүлүү эҥэр улуустарга -10 кыраадыс иһинэн. Кэлэр чэппиэргэ диэри Дьокуускайга, илин эҥэр улуустарга, оннооҕор  тымныы полюһунан аатырар Өймөкөөҥҥө тиийэ сылыйыаҕа. Оннук улахан сис былыт кэлэн турар. Онон бу өрөбүллэргэ саха киһитин кыстыкка бэлэмнэнэр үлэтэ — муус ылыыта, муҥха, от тиэйиитэ, идэһэлэнии саамай тоҕоостоох кэмэ. Тыа сирин үлэтин үмүрүтэр кэми хайаан да тутуһан, күндү доҕоттор, хамсаммахтаан хаалыҥ.
Онон «бу өрөбүллэргэ айылҕаҕа сынньанарга былааннаныҥ…» диир буоллахпыт!

Recent Posts

  • Байыаннай эпэрээссийэ
  • Сонуннар
  • Уопсастыба

Байыаннай дьайыы кыттыылаахтарыгар үлэ кубуотатын 5 тыһыынчаҕа тиийэ улаатыннарыахтара

Саха сиригэр байыаннай дьайыы кыттыылаахтара үлэҕэ ылыллар кубуоталарын 5 тыһыынчаҕа тиийэ улаатыннарыахтара диэтэ Дьарыктаах буолуу…

13 минут ago
  • Быһылаан
  • Бэрээдэк
  • Сонуннар

Гимназияҕа итии уу турбата тэстэн, уол оҕо эчэйбит

Дьокуускай куорат национальнай гимназиятыгар 17 саастаах уол итии уу турбата тэстэн эчэйбит. СӨ Доруобуйаҕа харыстабылын…

18 минут ago
  • Сонуннар
  • Сүрүн

Айсен Николаев оҕолор Саҥа дьыллааҕы баҕа санааларын толордо

Ил Дархан Айсен Николаев «Үтүө санаа харыйата» аахсыйаҕа кыттан, коррекционнай оскуола оҕолорун Жанна Горохова уонна…

29 минут ago
  • Сонуннар
  • Уопсастыба

2025 сыл 11 ыйын устатыгар өрөспүүбүлүкэҕэ 13,3 тыһыынчаттан тахса буруйу оҥоруу бэлиэтэммит

2025 сыл 11 ыйын устатыгар өрөспүүбүлүкэҕэ 13,3 тыһыынчаттан тахса буруйу оҥоруу бэлиэтэммит (+8,0 %, 12,3…

29 минут ago
  • Сонуннар
  • Уопсастыба

Ил Дархан нэдиэлэтэ: Айсен Николаев үлэтин сүрүн түгэннэрэ

Ахсынньы 8 күнэ.  Айсен Николаев РФ Бэрэсидьиэнигэр стратегическай сайдыыга уонна национальнай бырайыактарга Сэбиэт мунньаҕар кытынна.…

54 минуты ago
  • Сонуннар
  • Уопсастыба

Дьокуускайтан уонна Нерюнгриттан субсидиялаах авиабилиэттэр атыыга таҕыстылар

Дьокуускайтан Москваҕа, Санкт-Петербурга, Сочига, Владивостокка уонна атын куораттарга субсидиялаах авиабилиэттэр атыыга таҕыстылар. Ону таһынан Нерюнгриттан…

59 минут ago