Тускул: «Дьэ, күн-дьыл уларыйыыта сүрдээх…»

Share

Бу күннэргэ сис былыт кэлэн, Саха сирин бары улуустарыгар ичигэс күн-дьыл турар.

Арассыыйа Гидрометкиинин научнай салайааччыта Роман Вильфанд «Саха сиригэр ураты сылаас күннэр туруохтара: Дьокуускайга сэтинньи 15-19 күннэригэр  орто кыраадыс  — 17-20, күнүс — 8-12 кыраадыс. Бу олус сылаас күн-дьыл...»  диэн бэлиэтээтэ .

Оттон норуот синоптига  Тускул бу туһунан туох санаалааҕый?
Дьэ, күн-дьыл уларыйыыта сүрдээх. Өссө Бокуруоп күнүгэр  «алтынньы  14 күнүгэр сылыйдаҕына, сэтинньи 21 күнүгэр диэри улахан тымныы суох» диэн билгэлээбиппит. Кыһын олох хойутаан иһэрэ биллэр.  Ол курдук, веб-хаамыранан көрдөххө, үөһээ диэки —  Өлүөхүмэҕэ, Ленскэйгэ уонна бэтэрээнэн Покровскай анныгар Өлүөнэ Эбэ билигин да уста сытар.

Бу түүн сүрдээх улахан уу кэллэ. Инньэ гынан, күүскэ тааҥнаан эрэр. Ону биһиги, ойбоҥҥо сөтүөлүүр дьон, үчүгэйдик билэбит. Сарсыарда өрүскэ киирэ сылдьан көрбүппүт, уубут олох таһынан дьалкыйбыт этэ. Былырыын сэтинньи 24 күнүгэр өрүс турбут эбит буоллаҕына, билигин да тура илигэ сөхтөрөр. Онон күн-дьыл билигин да уһуур чинчилээх. Сэтинньи иккис сылын уһуннук сылыйда. Онуоха сис былыт кэлиитэ тымныы түһэрин уһатта.

Сис былыт кэлэр нэдиэлэ  чэппиэригэр диэри. Онон өтөрүнэн бэлиэтэммэтэх сылаас күн-дьыл турар. Ордук киин уонна соҕуруулуу-арҕаа улуустарга. Ол курдук, бүгүҥҥү күҥҥэ Өлүөхүмэ диэки баара-суоҕа -8-11 кыраадыс тымныы. Бүлүү эҥэр улуустарга -10 кыраадыс иһинэн. Кэлэр чэппиэргэ диэри Дьокуускайга, илин эҥэр улуустарга, оннооҕор  тымныы полюһунан аатырар Өймөкөөҥҥө тиийэ сылыйыаҕа. Оннук улахан сис былыт кэлэн турар. Онон бу өрөбүллэргэ саха киһитин кыстыкка бэлэмнэнэр үлэтэ — муус ылыыта, муҥха, от тиэйиитэ, идэһэлэнии саамай тоҕоостоох кэмэ. Тыа сирин үлэтин үмүрүтэр кэми хайаан да тутуһан, күндү доҕоттор, хамсаммахтаан хаалыҥ.
Онон «бу өрөбүллэргэ айылҕаҕа сынньанарга былааннаныҥ…» диир буоллахпыт!

Recent Posts

  • Байыаннай эпэрээссийэ
  • Сонуннар
  • Уопсастыба

2025 сыллааҕы быыбарга байыаннай дьайыы 890 кыттыылааҕа мандаат ылбыт

2025 сылга араас таһымнаах быыбардарга байыаннай дьайыы 890 кыттыылааҕа мандааттаах ылбыт. Бу туһунан «Биир ньыгыл…

10 минут ago
  • Сонуннар
  • Уопсастыба

1-8 кылаас үөрэнээччилэригэр актированнай күн биллэрилиннэ

Бүгүн, ахсынньы 16 күнүгэр, Дьокуускайга 1–8-с кылаас үөрэнээччилэригэр актированнай күн биллэрилиннэ. Бу туһунан киин куорат…

26 минут ago
  • Сонуннар
  • Сүрүн

Бүгүн Дьокуускайга -49° кыраадыска тиийэ тымныйыа

Cаха сирин синоптиктарын билгэлэринэн бүгүн, ахсынньы 16 күнүгэр, хоту оройуоннарынан хаардыыр.  Эдьигээн улууһугар сөкүүндэҕэ 9-14…

40 минут ago
  • Сонуннар
  • Уопсастыба

Эвелина Егорова: «Патриот» киин ыччат түмсэр сиринэн буолуоҕа»

Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…

11 часов ago
  • Сонуннар
  • Уопсастыба

Сулустан Заболоцкай: «Дойду инникитэ – ыччатыгар!»

Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…

11 часов ago
  • Сонуннар
  • Уопсастыба

Петр Шамаев: «Ханнык баҕарар ыччат тэрилтэтигэр киин аана аһаҕас»

Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…

11 часов ago