Тускул: «Өҥүрүк куйаас от ыйын 10 күнүттэн тохтуох курдук…»

 Тымныынан саҕаламмыт бэс ыйа бу күннэргэ өҥүрүк куйаас  сатыылаан турар кэминэн түмүктэннэ.

Оттон биир күн сылы аһатыахтаах сайын саамай күүтүүлээх кэмэ — от ыйа хайдах буолуой? Бу туһунан норуот синоптига Тускул маннык билгэлиир:

— Быйылгы сайын  күнэ-дьыла син  уларыйбыт курдук. Ол эбэтэр  от ыйын өҥүрүк куйааһа быйыл бэс ыйын 25 күнүттэн саҕаламмыта уонна от ыйын 10 күнүнэн түмүктэниэх курдук.  Бэс ыйыгар сөптөөх ардах кэмигэр түһэн, от-мас силигилии ситтэ.  Онон от ыйын саҥатыттан окко киирдэхпитинэ, үлүмнэһэн оттуурга саамай табыгастаах кэмнэр үүнүөхтэрэ. Дьэ, онтон от ыйын 25, 28, 29, 30 күннэригэр ардахтаах күннэр туруохтара.

Салгыы Тускул от ыйын сиһилии анаарыытын «Саха сирэ» хаһыат чэппиэрдээҕи нүөмэригэр ааҕаарыҥ.