Хаартыска видеоттан скриншоттанна
Саха сиригэр кэнники кэмнэргэ тохсунньу 19 күнүгэр – Кириһиэнньэҕэ ууга умсуу үгэскэ кубулуйда.
Кириһиэнньэ сөтүөтүгэр анаан куораттарга өрүскэ анал оҥоһуулаах, сабыылаах ойбоннору оҥороллор, оттон сорох улуустар кииннэригэр, нэһилиэктэргэ аһаҕас халлаан анныгар ойбон алларан сөтүөлүүллэр.
Быйыл Чурапчы улууһун Хайахсыт нэһилиэгин баһылыга, норуот билгэһитэ Тарас Тарасов-Тускул быйыл дойдутугар ааттаах үчүгэй сөтүөлүүргэ аналлаах сабыылаах ойбону оҥорбут. Бэҕэһээ, тохсунньу 19 күнүгэр, норуот билгэһитэ -45 кыраадыс тымныыга, чардаатыгар Тарас Лукич сөтүөлээтэ.
«Быйылгыттан Хайахсыкка маннык сабыылаах ойбону оҥордубут. Мин 2000 сылтан куоракка «купель» диэҥҥэ сууммутум, быйыл 24-с сылбар барда. Онон маннык ойбоҥҥо суунар хайаан даҕаны наада. Бүгүн уу саамай ырааһырар кэмэ, онон сыл түмүгүнэн, хайаан даҕаны ыраастаныахтааххын. Үстэ умсан ыллаххына, ып-ыраас буолан тахсаҕын, 2024 с. оннук саҕалыыбыт. 19-с чыыһылаҕа сөтүөлээбит киһи улаханнык тымныйбат, ыарыы-той ааһар, онон бука куттаммакка сөтүөлээҥ. Саҥа сөтүөлүүр дьон сып-сап курдук ууга киирэн тахсыахтааххыт, оччоҕо доруобуйаҕытыгар оҕустарбаккыт», — диэн Тарас Лукич санаатын үллэһиннэ.
Бэлиэтээн эттэххэ, Кириһиэнньэ сөтүөтүн кэмигэр анал ойбоннорго киирэн тахсар дьону арыаллаан Ыксаллаах быһыы-майгы сулууспатын үлэһиттэрэ дьуһуурустуба олохтоотулар.
Ил Дархан Айсен Николаев Киргизия Өрөспүүбүлүкэтин бэрэсидьиэнэ Садыр Нургожоевич Жапаровы кытта көрүстэ. Көрсүһүү кэмигэр инникитин…
Ил Дархан Айсен Николаев бүгүн Бишкек куоракка Кыргызстан Өрөспүүбүлүкэтигэр РФ боломуочуйалаах посолун Сергей Вакуновы кытта…
Кэлиҥҥи кэмҥэ саха төрүт үнүстүрүмүөнүн кыл кылыһаҕы – кыл устурууналаах кырыымпаны сөргүтүү, оҥоруу уонна оонньооһун…
Сааскылыы ичигэс күннэр туран, туманынан бүрүммүт кыһыммытын умнуох да курдук буоллубут. Норуот синоптига Тускул "Тэтим"…
Ыйытыы: Үлэбэр бырайыаспын туһаммыппын отчуоттуурум ирдэнэр. Ол эрээри "посадочнай толуоммун" сүтэрэн кэбистим. Хайдах гыныахха сөбүй?…
Ахсынньы 1 күнүттэн байыаннай сулууспалаахтар ахсааннара элбиэҕэ, 80 сааһын туолбут дьоҥҥо биэнсийэ үрдүөҕэ, байыаннай дьайыы…