Хаартыска -- Ольга Пестерева түһэриитэ
Бу күннэргэ норуот синоптига Тускул ичигэс өрөбүлү билгэлээтэ.
Онон сэтинньи ортотугар сааскы халлаан турар курдук: салгына ырааһа, күнэ чаҕылхайа, ичигэһэ — таһырдьаттан киириэххин баҕарбаккын.
Ол эрээри кыһын аата кыһын, хаһан эрэ кэлиэхтээх буоллаҕа. Бу туһунан Тускул туох диэн билгэлиирин билиэн баҕалаах үгүһэ чахчы.
— 40 кыраадыстаах тымныы сэтинньи 24-25 күннэриттэн саҕаланыаҕа. Ол эрээри ол да өр барыа суоҕа. Уопсайынан, Бокуруоп Таҥара билгэтэ олох сөп түбэстэ — сэтинньи сылаас ыйынан буолла. Бастакы тымныы түһэр буолан, ичигэскэ үөрэммит дьон быһыытынан, 40 кыраадыһы тымныы курдук ылыныахпыт. Дьиҥэр урукку сылларга 40 кыраадыс тымныы буоллаҕына «бүгүн биллэ сылыйбыт» диэн буолара. Оттон биһиги 10-20 кыраадыс кэнниттэн «тымныйда» диэхпит.
Ахсынньы билгэтин кэлэр нэдиэлэттэн ааҕан-суоттаан үөрэтиэм. Ол аата хайдах үөрэтэҕин диэн ыйыттахха, урукку сыллары тэҥнээн көрөн, орто кыраадыһы таһаарабын. Быйыл ахсынньыга Илин эҥэр улуустарга — Чурапчыттан саҕалаан, Тааттанан, Томпонон, Өймөкөөҥҥө тиийэ 50 кыраадыстан тахсар тымныы түһүөҕэ. Оттон бу тымныы Дьокуускайы уонна чугас улуустары — Намы, Хаҥалаһы, Мэҥэ Хаҥалаһы хаарыйыа суоҕа.
Дьэ, онон кэлэр нэдиэлэ бүтэһигэр диэри сааскылыы күн дьыл туруоҕа диэн этэр Тускул.
Швейцария күрэсчиттэрэ биир күҥҥэ икки кыһыл көмүс мэтээли ылан, уопсай көрдөрүүгэ иккис миэстэҕэ таҕыстылар. Италияҕа…
2018-2025 сылларга Саха сиригэр 62 саҥа култуура эбийиэгэ аһылынна, онтон үгүстэрэ “Култуура” национальнай бырайыак иһинэн…
Олунньу 4 күнүгэр патриотическай тыыны иитии ыйын чэрчитинэн, Саха гимназиятыгар 3-10 кылаастарга кэккэнэн хаамыыны уонна…
Мииринэй оройуонугар Бырабыыталыстыба отчуотугар биир аҥаар тыһыынча кэриҥэ киһи кытынна - бу олохтоохтор үрдүк көхтөөхтөрүн…
Дьокуускай куорат киинигэр массыынаны туруоруу төлөбүрдээх буолуо. Бу саҥа уларыйыыны суол быраабылатын мэлдьи кэһэр суоппардары…
Ил Дархан Айсен Николаев Нерюнгрига федеральнай уонна эрэгийиэннээҕи стратегическай докумуоннары олоххо киллэрэр мунньаҕы ыытта. Онно…