Хаартыска -- Ольга Пестерева түһэриитэ.
Бу күннэргэ былыт кэлэн, ичигэс күннэр туран абыраатылар.
Норуот синоптига Тускул «Тэтим» араадьыйаҕа кэлэр нэлиэлэҕэ күн-дьыл хайдах буоларын сылыктаата.
— Бу нэдиэлэҕэ өрүс аттыгар турар улуустарга сөкүүндэҕэ 10-11 м. түргэннээх тыал түһүөҕэ. Күүстээх тыал киин куоракка бээтинсэҕэ ордук биллиэҕэ. Ахсынньы 17 күнүттэн бары улуустарга тымныйыаҕа. Киин улуустарга ахсынньы 18-19 күннэригэр -49С кыраадыс бэлиэтэниэҕэ. Бүлүү бөлөх улуустарга тымныы ахсынньы 19-20 күннэригэр күүскэ сатыылыаҕа. Тымныы полюһунан аатырар Өймөкөөҥҥө өтөрүнэн буолбатах сылаас күннэ буолан аастылар. Манна сорох сиргэ -18С кыраадыс эрэ тымныы бэлиэтэнэ сырытта. Кэлэр нэдиэлэҕэ манна улахан тымныы суох. Тымныы -40 кыраадыстан тахсыаҕа. Бу маннык күнү-дьылы өймөкөөннөр «сылаас» диэн ааттыыллар.
Кэлэр нэдиэлэ саҥатыттан тымныйан баран, сыыйа ахсынньы 24 күнүттэн эмиэ былыт кэлэн, биллэ сылыйыаҕа. Онон биир нэдиэлэ тымныыны тулуйа түһэр буоллахпыт. Былырыыҥҥы курдук киһи куттанар тымныыта суох. 50 кыраадыстаах тымныы биир-икки хонук устата туруоҕа. 60 кыраадыстаах тымныы түспэт, — диэн «уоскутта» Тускул.
Дьэ, онон кэлэр нэдиэлэҕэ эмиэ тоҥо түһэргэ бэлэмнэнэр буоллахпыт…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…