Хаартыска: Тарас Тарасов тиксэриитэ.
Бу күннэргэ киин улуустарга тымныы күн-дьыл туран, үгүспүт хаһан сылыйарын кэтэһэн эрэбит.
Норуот синоптига Тускул оптуорунньуктааҕы билгэтигэр кэлэр нэдиэлэттэн сылыйар диэн үөртэ.
— Бу нэдиэлэҕэ киин улуустарга 46-47 кыраадыс тымныйыаҕа. Урукку сылларга курдук 50-60С кыраадыс тымныы суох. Ахсынньы 24 күнүттэн күн сыыйа уһаан барыаҕа. Онон кыратык тулуйа түһүөххэ. Киһи сылайар, ис туруга мөлтүүр кэмэ кэлэн турар. Онон ордук сир аһын элбэхтэ сииргитигэр сүбэлиибин. Быйыл тымныы күн-дьыл буоллаҕына, былырыын баччаҕа 29-30 кыраадыс тымныы эбит. 1981 сыллаахха 14С кыраадыс эрэ тымныйа сылдьыбыт. Бүгүҥҥү күҥҥэ Охотскай муораттан сылаас циклон таарыйан, Өймөкөөн улууһугар эрэ сылыйан турар. Манна билигин 30-ча кыраадыс тымныы. Ол эрээри ахсынньы 23 күнүттэн Тымныы полюһунан аатырар Өймөкөөҥҥө тымныы бэйэтин биллэриэҕэ — манна 50-60 кыраадыс тымныйыаҕа. Ол оннугар киин улуустарга «сылыйыаҕа» — отучча эрэ кыраадыс тымныйыаҕа. Ол курдук, ахсынньы 23-27 күннэригэр сис былыт кэлэн, 20-30 кыраадыс тымныйыаҕа. Бүлүү эҥээр улуутарга ахсынньы 23 күнүттэн эмиэ 30-ча кыраадыс тымныы. Соҕуруу улуустарга ахсынньы 18 күнүттэн лаппа «сылыйар» — 20-чэ кыраадыс тымныы. 23 чыыһыла диэки 10-тан тахса эрэ кыраадыс тымныйыаҕа.
Дьэ, онон бу нэдиэлэни тулуйуохха. Тускул эппитинии, «ким туох былааннаах бары дьыалаҕытын кэлэр нэдиэлэҕэ көһөрүҥ».
РФ Бэрэсидьиэнин наҕараадалааһын туһунан дьаһала Үлэҕэ ситиһиилэрин уонна уһун сыллаах үлэлэрин иһин РФ Бэрэсидьиэнин Махтала…
Былырыын 2024 сыллаахха рекорду олохтообут 752 тыһ. кв.м. олорор дьиэ тутуллубута, онон Ил Дархан былырыын…
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа эпиири ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…
“Кыһыҥҥы сынньалаҥҥа оҕолор хас күн өрүүллэр?” – диэн төрөппүттэр ыйытыыларыгар РФ Үөрэҕириитин министиэристибэтэ бу курдук…