Хаартыска: Ольга Пестерева түһэриитэ.
Бүгүн олунньу 1 күнэ — Дьыл оройо, кыһыҥҥы хонук аҥаара бүппүтүнэн ааҕыллар.
Онон ый саҕаланыыта үгэспитинэн, “тохсунньу түмүктэннэ, аны олунньу саҕаланна: дьэ, хайдах буолуой: тымныы дуу, ичигэс дуу?” диэн ыйытыылаах норуот синоптига Тускултан билсэ сырыттыбыт.
— «Маҥхааһайга — бурдук, кыбыыга — от лоп курдук аҥаара хаалбыт буоллаҕына, үчүгэйдик сыл тахсыахха сөп” диэн биһиги өбүгэлэрбит суоттаналлар этэ. Бу кэмҥэ кыстыкка бэлэмнэммит ас аҥаара сиэниллэр.
Олунньу бу иннинээҕи ыйдары батыһан, балай да сылаас буолуоҕа. Ый бастакы дэкээдэтигэр, ол аата 10 чыыһылаҕа диэри, илин эҥээр улуустарга түүҥҥү өттүгэр -40-43 кыраадыс тымныйыаҕа. Иккис дэкээдэттэн сылыйан, отучча кыраадыс тымныйыаҕа.
Тымныы полюһунан аатырар Өймөкөөн эҥээр ый саҕаланыытыгар күнүһүн ортотунан -40-45 кыраадыс тымныы, түүнүн -47-49 кыраадыс тымныы буолуо. Дьааҥыга олунньу саҥатыгар -50 кыраадыс тымныы салҕаныаҕа. Олунньуга киин уонна Бүлүү эҥээр улуустарга 30-35 кыраадыс тымныйыаҕа. Онон күн уһаан, күнүскү өттүгэр сааскылыы ичигэс буолуоҕа эрээри, түүҥҥүтүгэр тымныйыаҕа.
Олунньуну улуустарынан анаарыыны кэлэр бээтинсэҕэ “Саха сирэ” хаһыаттан билсээриҥ.
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…