Тускул суһал иһитиннэриитэ: «Үүнээйигитин харыстааҥ!»

Бу киэһэ «Саха сирэ» хаһыат саайтыгар Тускул суһал иһитиннэриитэ кэллэ.

— Үүнээри турар үс күҥҥэ  — бэс ыйын 15, 16, 17 күннэригэр хоту улуустарга Муомаҕа, Анаабырга, Аллайыахаҕа, Халымаҕа уонна  Булуҥҥа хаардаах ардах түһэринэн сибээстээн, илин эҥээр, киин, Бүлүү эҥээр, соҕуруулуу-арҕаа улуустарга бу “Арктическай циклон ” охсуутунан түүнүн олус күүскэ тымныйыаҕа, сорох сиргэ хаһыҥныаҕа. Таһырдьа кыраадыс +4С тиийиэҕэ. Тэпилииссэ таһынааҕы үүнээйилэри саба сырыттахха, маннык тымныйыыны тулуйуохтарын сөп. Онон бу өрөбүлтэн саҕалаан, киэһээ аайы үүнээйилэргитин көрө-истэ, кэмигэр  саба сылдьыҥ. Бэс ыйын 18 күнүттэн тымныы салгын ааһан, кыраадыс оннугар түһүөҕэ. Онтон ыла дьэ сайыҥҥылыы сылыйан барыаҕа. Онон бу эппит үс күммүн — кыра кэми тулуйан, үүнээйилэргитин харыстааҥ, саба-бүрүйэ, тэпилииссэлэргитин сылаастык тута сылдьыҥ, — диэн Тускул оҕуруотчуттары анаан сэрэттэ.

Кытаатыҥ, үүнээйилэргитин харыстааҥ, оҕуруоккутун бүрүйүҥ.