Күн Дьөһөгөй Айыы ыйа сырдыгынан сыдьаайан, сааскы ылааҥы күннэри бэлэхтиир кэмэ үүннэ.
Норуот синоптига Тускул кулун тутар 1 күнүгэр Күн Дьөһөгөй Айыы ыйын анаарыытыгар: “Кулун тутар саҥатыгар Ый уонна Үргэл алтыһыыта буолар. Былыргы сахалар бу түгэни анаан кэтээн көрөөччүлэр. Үчүгэй дьыл буоларыгар, кулун тутар 4 күнүгэр алтыһар, хойутаан алтыстаҕына — куһаҕан дьылга” диэн бэлиэтээбитэ. Дьэ, бэҕэһээ, Дьахтар күнүгэр, Тускул “Тэтим” араадьыйа эпииригэр олус үчүгэй сонуннаах таҕыста. Ол курдук, кини “кулун тутар 4 күнүгэр Үргэл алтыһыы кэмигэр Ый иһинэн ааста. Ол аата үчүгэй сайын кэлиитэ түстэннэ: хойуу оттоох-мастаах, өлгөм үүнүүлээх сир астаах» диэн бэлиэтээтэ.
— Үгүс дьону, биллэн турар, кэлэр нэдиэлэҕэ хайдах халлаан буолара интэриэһиргэтэрэ чахчы. Оптуорунньукка диэри киин куоракка 24 (түүн) -12 (күнүс) кыраадыс тымныы, Намҥа – 25 (түүн) — 14 (күнүс) кыраадыс, Покровскайга – 22-11, илин эҥэргэ – 28-12 , Аммаҕа — 25-15, Уус Маайаҕа -25-11, Ытык Күөлгэ, Томпоҕо — 28-11, Горнайга — 24-10, Бүлүү эҥэр улуустарга — 26-13, Сунтаарга — 23-8, Мииринэйгэ -21-13, Өлүөхүмэҕэ – 19 – 6, Нерюнгригэ — 17-9, Кэбээйигэ -25-14, Эдьигээҥҥэ — 29-19, Дьааҥы эҥэр улуустарга — 37-23, Халыма-Индигиир улуустарыгар — 33-26, Өймөкөөҥҥө — 31-19, Муомаҕа -33-19, Өлөөҥҥө -29-19, Тиксиигэ – 29 (түүн) -23 (күнүс) кыраадыс тымныы.
Улахан күн эстиитэ суох. Айанныырга үчүгэй күннэр. Ый төрдүс чиэппэрэ күһүҥҥү кэмҥэ тэҥнээх, киһини сылатар.
Кэлэр нэдиэлэҕэ – 20 кыраадыстан тахса кыһыҥҥы бүтэһик тымныы күннэр. Кулун тутар 17 күнүттэн тымныы күннэри сааскы сылаас күннэр солбуйуохтара. Ол курдук, илин эҥэр улуустарга күнүс – 10 кыраадыс, киин улуустарга — 15, Бүлүү улуустарга — 4, Өлүөхүмэҕэ – 5, Кэбээйигэ — 14 кыраадыс, Дьааҥы улуустарыгар — 20, Халыма-Индигиир улуустарыгар — 20, Өлөөн – 18, Тиксии – 25 кыраадыс тымныы буолуоҕа.
Онон сааскы күннэр сырдыгынан, чаҕылхай күнүнэн сыдьаайан, үгүс үөрүүнү бэлэхтиэхтэрэ, санаабытын көнньүөрдүөхтэрэ, олох уустуктарын чэпчэтиэхтэрэ, — диэн норуот синоптига Тускул санаатын үллэһиннэ.
Бэс ыйын 26 күнүгэр 19:00 чаастан Дьокуускайга Н.Н.Тарскай аатынан "Туймаада" стадиоҥҥа "Азия оҕолоро" спортивнай оонньуулар…
РФ Бырабыыталыстыбатын 2024 сыл муус устар 11 күнүнээҕи 460 №-дээх уурааҕынан, мобилизацияламмыт дьон дьиэ кэргэттэрэ…
Бүгүн, ыам ыйын 13 күнүгэр 18.30 чаастан Суорун Омоллоон аатынан Опера уонна балет тыйаатырыгар А.Ф.Березиков…
"Балбаахпын хаһаанар былаһааккабын хайдах оҥостобун? "Саха сирэ" хаһыакка ыстараап туһунан суруйбуккут, оттон мин тыа сиригэр…
Ыам ыйын 11-12 күннэригэр Сиргэ күүстээх магнитнай буурҕа түспүтэ бэлиэтэнэр. Маннык күүстээх магнитнай буурҕа 2003…
Өрүспүт мууһа Өлүөхүмэҕэ кэлэн хаайтаран, харыы үөскээн, уу тахсан түрүлүөн таҕыста. Өлүөхүмэ улууһугар ыксаллаах быһыы-майгы…