Тускутугар туһаныҥ: Хатыыс хабаҕынан эмтэнии

Киин куорат «Biomed» килииникэ массажиһа Дыгын Николаев бэрт интэриэһинэй сүбэни биэрбитэ социальнай ситимнэринэн тарҕанна.

«Хатыыс хабаҕын (силими) былыргы лаахтаах куруускаҕа ууллуор дылы оргуталлар.  Уолан истэҕин ахсын, уутун эбэн иһэллэр. Бүтүүтүгэр курууска толору буолуохтаах. Күҥҥэ үстэ чаайынай ньуосканан сииллэр. Быарга 7 күн. Оннооҕор быраас аккаастаабыт дьонноро үтүөрэллэр эбит. Ис, очоҕос, куртах бааһыгар «тойон» дииллэр», — диэн Дыгын Николаев суруйар.

Хатыыс 3-4 хабаҕын бастаан сууйан баран сылаас ууга 1-2 чааска сытыараҕын. Оччоҕо сымныыр, хара пленката дөбөҥнүк кэлэр. Бэйэтин кыра гына кырбаан, 500 мл оргуйбут ууга уган оргутаҕын, хабаҕа ууллуор диэри булкуйа тураҕын. Уоларын тухары уугун 500 мл буолуор дылы эбэн иһэҕин, сойутан баран, таас бааҥкаҕа кутан, халадьыылынньыкка сойута уураҕын. Сойдоҕуна, сөпкө буспут хойуу дыраһааҥка буолар. Онтон 1 ост.нь. ыстакаан 1/2 оргуйбут сылаас ууну кытта, аһыаҥ иннинэ, күҥҥэ үстэ иһэҕин. Эмтэнии кууруһа 1 ый. Хабаҕы кээмэйиттэн көрөн, кыра буоллаҕына 3-4 устууканы, улахан буоллаҕына 2 устууканы туттаҕын. Ити эмтэммит дьон сүбэтэ.

Санаттахха, хатыыс Кыһыл кинигэҕэ киирбит, бас быстар сыаналаах балык. Оччотугар, хатыыстан силим көмүскэ тэҥнээх буолан тахсар. Хатыыһы атыыга диэн анаан-минээн иитэр собуоттартаран ылыахха сөп.