Тустуук Айаал Лазарев рейтиннээх турнирга кыттыаҕа
26.05.2023, 19:00
![](https://sakha-sire.ru/wp-content/uploads/2023/05/d25b8296-900x596.jpg)
Мария Васильева хаартыската, СИА.
Бөлөххө киир:
Саха сирин легионера Айаал Лазарев көҥүл тустууга норуоттар икки ардыларынааҕы рейтиннээх турнирга кыттыаҕа. Өр кэмнээх тохтобул кэнниттэн тустуук бастакы күрэхтэһиитигэр кыттарга бэлэмнэнэр.
Тустуу холбоһуктаах эйгэтэ рейтиннээх тустууга кимнээх кыттыахтарын сөбүн испииһэктээн таһаарда. Бу испииһэккэ Айаал Лазарев киирдэ. Кини куруук тустар 125 киилэҕэ диэри категориятыгар кыттыаҕа. Турнир Бишкеккэ бэс ыйын 1-4 күннэригэр ыытыллыаҕа.
Бу күрэхтэһиигэ Айаал Лазарев сүрүн утарылаһааччыларынан Грузияттан сылдьар Олимпиада призера Гено Петриашвили, Польшаттан сылдьар Европа чөмпүйэнээтин призера Роберт Баран, Узбекистантан сылдьар аан дойду чөмпүйэнээтин призера Хасанбой Рахимов уо.д.а. буолуохтарын сөп диэн СИА суруйар.
+1
+1
+1
+1
+1
+1
1
+1
Сообщить об опечатке
Текст, который будет отправлен нашим редакторам: