Тустуук Арыйаан Тютрин Медведь турнирын кыайыылааҕынан буолла

Саха сириттэн сылдьар тустуук Арыйаан Тютрин Беларусь өрөспүүбүлүкэтигэр ыытыллыбыт үс төгүллээх олимпийскай чөмпүйүөн Александр Медведь норуоттар икки ардыларынааҕы турнирын кыайыылааҕынан буолла.

Бу туһунан «Триумф» успуорка бэлэмнээх буолуу киин пресс-сулууспата иһитиннэрэр.

Арыйаан Тютрин финалга юниордарга Арассыыйа призерун Рустам Жилясовы кытта киирсэн, 12:1 ахсаанынан эрэллээхтик бастаата.