Тустуук Эдуард Григорьевы улахан успуортан атаарыахтара

Бүлүүгэ ахсынньы 4 күнүгэр көҥүл тустууга Европа чөмпүйэнээтин икки төгүллээх призерун, устудьуоннарга аан дойду чөмпүйүөнүн Эдуард Григорьевы үөрүүлээх быһыыга-майгыга улахан успуортан атаарыахтара. Бу күн өрөспүүбүлүкэтээҕи күрэхтэһиилэр ыытыллыахтара диэн ЯСИА суруйар.

Атаарыыны кытта Эдуард Григорьев чиэһигэр көҥүл тустууга өрөспүүбүлүкэтээҕи турнир ыытыллыаҕа. 57 киилэҕэ, 62 киилэҕэ уонна 65 киилэҕэ диэри ыйааһыннарынан кыайыылаахтары быһаарыахтара. Бу үс ыйааһыҥҥа Эдуард Григорьев тустубута. Хас бастаабыт бөҕөс 50 тыһ.солк. наҕараадаланыаҕа.

Итиэннэ хапсаҕайга 70 киилэҕэ диэри уонна онтон үөһээ ыйааһыннаахтарга муҥутуур кыайыылааҕы быһаарар иһин киирсиилэр буолуохтара. Кыайыылаахтар 60 тыһ.солк. наҕараадаланыахтара.