Тустуук кыргыттарбыт норуоттар икки ардыларынааҕы турнирга миэстэлэстилэр

Екатеринбург куоракка Азербайджан, Беларусь, Куба, Кыргызстан, Арассыыйа, Сербия уонна Венесуэла хамаандалара кыттыылаах кыргыттарга тустуу күрэхтэһиитэ норуоттар икки ардыларынааҕы бэстибээл чэрчитинэн ыытылынна.

Бочуот пьедесталыгар Чурапчытааҕы физическэй култуура уонна успуорт судаарыстыбаннай институтун устудьуоннара Александра Карамзина уонна Севиль Назарова таҕыстылар.

53 киилэҕэ диэри ыйааһыҥҥа Александра Карамзина үрүҥ көмүс мэтээлгэ тигистэ. Кини Азербайджантан сылдьар Гюльтакин Шириноваҕа 5:9 ахсаанынан хотторбут.

Арассыыйа чөмпүйэнээттэрин биэс төгүллээх медалистката Севиль Назаров (55 киилэ) бу сырыыга боруонса мэтээли ылла. Александра Скиренкоҕа (Краснодарскай кыраай) уонна Айжан Кызы Сабырбекка (Кыргызстантан сылдьар) хотторон биэрдэ.

Биһиги кыргыттарбытын, тириэнньэрдэрбитин Ким Колодезниковы уонна Николай Рожины ситиһиилэринэн эҕэрдэлиибит!

Түмүктэр:

53 киилэҕэ диэри —

1. Гюлтакин Ширинова (Азербайджан).

2. Александра Карамзина (Арассыыйа).

3. Дарья Хвостова (Арассыыйа).

55 киилэҕэ диэри —

1. Лейла Карымова (Арассыыйа).

2. Александра Скиренко (Арассыыйа).

3. Янелис Сан. Вердесия (Куба).

3. Севиль Назарова (Арассыыйа).

Бу туһунан sakhapress.ru саайт суруйар.

Эльдар Садовников бэлэмнээтэ.