Тутааччылар байыаһы көрүстүлэр

Бэҕэһээ, ыам ыйын 27 күнүгэр, «Олорор дьиэни тутууга дириэксийэ» ГКУ кэлэктиибэ Дьокуускай авиапордугар байыаннай эпэрээссийэттэн кэлбит байыаһы көрүстүлэр. 

Байыас былырыын балаҕан ыйыгар мобилизацияламмыт. Сулууспалыы барыан иннинэ «Олорор дьиэни тутууга дириэксийэ» ГКУ-га исписэлииһинэн үлэлээбитэ. «Саха сириттэн сылдьар байыастарга бары өттүнэн сөптөөх көмө оҥоһуллар. Доброволец быһыытынан барбыттар ортолоругар  СӨ Тутууга министиэристибэтиттэн уонна биэдэмистибэннэй тэрилтэлэриттэн бааллар. Биһиги байыастарбыт дойдуларыгар этэҥҥэ кэлэллэрин көрөр олус үчүгэй, үөрүүлээх», —  диэн СӨ тутууга миниистирэ Павел Кылатчанов санаатын үллэһиннэ.