Тутааччылар Нам улууһун олохтоохторугар көмөлөстүлэр
29.05.2024, 19:35
Хаартыска: Нам улууһун дьаһалтата
Бөлөххө киир:
Бу күннэргэ Нам улууһун үрдүнэн улахан субуотунньуктар ыытыллаллар.
Сүрүн күүс халаантан эмсэҕэлээбит нэһилиэктэригэр туһаайыллар. Улуустарынан араас түмсүүлэр, тэрилтэлэр, хамсааһыннар кэлэктииптэрэ кыттыһаннар көхтөөхтүк субуотунньуктары тэрийэллэр. Олор истэригэр тутуу эйгэтин бэрэстэбиитэллэрэ эмиэ кытыннылар.
Бу иннинэ Саха сирин тутааччыларын Сойууһа күүстээх көмөнү оҥорорго ыҥырыы ыыппыта. Бастакы хардыыны «Силим» ХЭТ тутуу хампаанньата оҥордо. Генеральнай дириэктэр Александр Неустроев салайааччылаах тэрилтэ 10 үлэһитэ Хатырыкка чөлүгэр түһэрэр үлэни ыыттылар. Халаантан эмсэҕэлээбит Николаевтар дьиэ кэргэттэригэр кирилиэс оҥорбуттар, ону таҺынан малларын-салларын, хомуйарга уонна тэлгэһэни ыраастыырга көмөлөспүттэр. Үлэһиттэри тэрилтэ генеральнай дириэктэри солбуйааччы Игорь Герасимов салайан илдьэ сырытта.
Итини кытта ыаллыы сытар Заровняевтар дьиэ кэргэттэргэ баһаарынай сулууспа үлэһиттэригэр кыттыһан көмө оҥордулар. Олохтоохтор «Силим» ХЭТ кэлэктиибигэр барҕа махталларын тиэрдэллэр.
+1
1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: