Тутар этэрээттэр бэтэрээннэрэ көрсүһүөхтэрэ

Сылын аайы Саха сирин устудьуоннарын тутар этэрээттэрин бэтэрээннэрин көрсүһүүлэрэ үтүө үгэскэ кубулуйда.

Ол курдук, сарсын олунньу 11 күнүгэр, 15.30 чаастан АГАТУ аактабай саалатыгар араас сыллааҕы тутар этэрээттэр  байыастара көрсүһүөхтэрэ.

Бу көрсүһүүгэ “Чэчир” этэрээт бэтэрээн  байыастара Любовь Яковлева, Альбина Аммосова, Людмила Оконешникова, Августина Хабарова, Марианна Габышева, Тамара Винокурова, Глафира Сметанина уо.д.а. бараары бэлэмнэнэллэр.

Онон сүрдээх сэргэх көрсүһүү буолара күүтүллэр. Устудьуоннар тутар этэрээттэригэр кэппит кууркаҕытын кэтэн, значоктаргытын иилинэн, ырыаҕытын-тойуккутун  бэлэмнээн, көрсүһүүгэ тиэтэйиҥ.