Андрей Сорокин хаартыскаҕа түһэриитэ, ЯСИА
Бүгүн уһуйааны үөрүүлээх быһыыга-майгыга астылар. Бу РФ Бэрэсидьиэнэ В.Путин бигэргэппит Дьокуускай куорат маастар-былаанын чэрчитинэн кэлимник тутулла турар түөлбэҕэ бастакы социальнай эбийиэк буолар. Сотору кэминэн манна өссө успуорт саалатын аһар былааннаахтар.
Оскуолаҕа киириэн иннинээҕи саастаах оҕолорго ананар тэрилтэ Кулаковскай уулуссатыгар баар «Улыбка» уһуйаан филиала буолар. Уопсайа 3,7 тыһ. кв.м иэннээх тутуу 240 миэстэҕэ суоттаммыт. Саҥа тэрилтэҕэ физкултуура, муусука саалалара бааллар, таһыгар спортивнай былаһааккалаах. Манна 12 бөлөх сылдьыа диэн бэлиэтииллэр.
Түөлбэ олохтоохторун, уһуйаан кэлэктиибин, кырачааннар төрөппүттэрин Ил Дархан Айсен Николаев эҕэрдэлээтэ.
—Бу куорат дьаһалтатын кытта бииргэ толкуйдаабыт 17 кыбартаал олохтоохторун көһөрөр бырайыакпыт. Билигин ону олоххо киллэрии саҕаланар. Бастакынан социальнай эбийиэктэр киирэллэрэ үчүгэй. Тоҕо диэтэххэ, манна көһөн кэлэр дьоҥҥо наадалаах инфраструктуралара тута баар буола түһэр. Сири-уоту сайыннарыы кэлим бырайыагын тиһэҕэр тиэрдиэхпит диэн эрэнэбин. Тутуллар эбийиэктэргэ бу уһуйаан холобур кэриэтэ буолар. Хааччыллыытынан Саха сиригэр биир бастыҥнара, — диэн бэлиэтээтэ Айсен Николаев.
Дьокуускай куорат дьаһалтатын баһылыга Евгений Григорьев:
—Айсен Сергеевичка бары өттүнэн өйөбүлүҥ иһин махтанабын. Тутааччыларга уустук усулуобуйаҕа сыралаах үлэлэрин, кылгас болдьох иһигэр эбийиэги тутуугут иһин махтанабын. Көрөргүт курдук 17 түөлбэ уларыйан иһэр, — диэн эттэ.
«Улыбка» уһуйаан сэбиэдиссэйэ Мария Коробенкова үтүөкэннээх бэлэхтэрин иһин дойду, өрөспүүбүлүкэ уонна куорат салалталарыгар махтанна. Кини манна 12 бөлөххө 240 оҕо сылдьыаҕа диэн эттэ.
—Биһиги Кулаковскай уулуссатыгар баар уһуйааммытыгар 6 бөлөххө 180 оҕо сылдьар. Саҥа тэрилинэн хааччыллыбыт филиалланаммыт наһаа үөрдүбүт. Кырачааннарбытын сахалыы уонна нууччалыы тылынан үөрэтэбит. Уһуйааммыт «Одарённый ребёнок, шахматы – детям» бырайыак инновационнай былаһааккатынан буолар, — диэн сырдатта.
Сиһилии: https://www.sakha.gov.ru/news/16114
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, ЯСИА
Горнай улууһун Атамай нэһилиэгин бибилэтиэкэтигэр Олоҥхо күнүнэн күүтүүлээх тэрээһин буолла. Бибилэтиэкэ сэбиэдиссэйэ Елизавета Ефремова Иннокентий…
Саха сирин Бырабыыталыстыбатын Бэрэссэдээтэлин солбуйааччы Ольга Балабкина Vl Хотугу пуорумҥа төрүт норуоттар тылларын, култуураларын өйүүр…
Билиҥҥи кэмҥэ дьон тэлгэһэлэригэр саха балаҕанын хото туттар буоллулар. Куорат сиргэ даачаларыгар тутталлар, сайын тахсан…
Бүгүн Дьокуускайга арыллыбыт “Сыыппара Алмааһа” федеральнай IV пуорум чэрчитинэн “Интеллектуальная собственность как драйвер креативной и…
Сэтинньи 27 күнүгэр Арчы дьиэтигэр Бүлүү улууһун "Олоҥхо" народнай ансаамбылын толорооччулара В.О.Каратаев "Модун Эр Соҕотох"…
Саха сириттэн байыастарга быйыл 129 көлө тиэрдиллибит. Мууһунан сырыы көҥүллэннэҕинэ, байыаннай дьайыы буола турар сиригэр…